Gida "Beldur Barik"

Jaietan emakumeen aurkako indarkeria prebenitzeko gidaliburu bat jarriko da udalen eskura.

Berdintasun, Justizia eta Gizarte Politiketako sailburua den Beatriz Artolazabalek eta EUDELeko presidentea den Gorka Urtaranek “Jaietan emakumeen aurkako indarkeria matxista prebenitzeko tokiko prozesuak sustatzeko Gida” aurkeztu dute gaur. Gida hau Emakundek egina da, Arabako, Gizpuzkoako eta Bizkaiko foru-aldundiekin eta EUDELekin lankidetzan, gazteen artean indarkeria prebenitzeko Beldur Barik programaren esparruan. Haiekin batera ekitaldian izan dira Izaskun Landaida Emakundeko zuzendaria eta Ainhoa Campo eta Miren Elgarresta, Araba eta Gipuzkoako Foru Aldundietako Berdintasun zuzendariak, hurrenez hurren. 

Gida

Eraso sexistarik gabeko uda

“Eraso sexistarik gabeko uda” kanpaina, eraso sexistak prebenitzen laguntzeko sortutakoa, Beldur Barikprogramaren barruan kokatzen da, urtero Emakundek bultzatu, eta Arabako, Bizkaiko eta Gipuzkoako Foru Aldundiek eta EUDEL-Euskadiko Udalen Elkarteak laguntzen duten gazteei zuzendutako kanpainan, hain zuzen ere. 

Aurreko urteetan jaietako eraso sexistak prebenitzeko kanpaina egin da, baina Covid-19aren pandemiak eragindako aurtengo egoera berezia ikusita, kanpaina ez da jaietan oinarritu baizik eta udan, orokorrean.

+Info

Genero-indarkeria bizitzaren amaieran

Matia Fundazioak, bizitzaren azken fasean dauden pertsonei arreta psikosoziala ematen dien fundazioak, programa bat argitaratzen du artatzen dituzten familietan eta pertsonetan gertatzen diren genero-indarkeriako egoerei aurre egiteko..

"Bizitzaren amaieran genero-indarkeria arintzeko programa" izeneko programa profesionalek laguntza ematen dieten familietan indarkeria- eta tratu txarreko testuinguruak detektatzean sortzen da, eta esku-hartzea nola bideratu eta egoera horien aurrean ohiko arreta psikosoziala nola egokitu planteatzen da..

Programak tratu txar fisiko eta/edo psikologikoko egoerak jasotzen ditu, bai eta terminalitate-egoeran dagoen pazientea erasotzailea eta haren emaztea eta zaintzaile nagusia biktima diren egoerak ere, edo alderantziz, hau da, egoera aringarrian dagoen pazientea biktima eta gizonezko zaintzailea erasotzailea izatea; kasu horietan, areagotu egiten da biktimaren kalteberetasuna eta haren babesa indartzeko beharra.

+Info

Beldur Barik

Gaur ireki da gazteen artean indarkeria sexista prebenitzen hamar urte bete dituen Beldur Barik lehiaketa.

Emakundek bultzatuta eta euskal erakunde guztien laguntzarekin, gazteen artean errespetua, berdintasuna eta indarkeria sexistaren prebentziroako jarrerak sustatu nahi dituen Beldur Barik  programaren barruan kokatzen da

Lehiaketa 12 eta 26 urte bitarteko gazteei zuzenduta dago, eta nesken ahalduntzea eta mutilen konpromisoa erakusten dituzten lanak sarituko ditu

Irailaren 9an ireki da lanak aurkezteko epea, eta datorren azaroaren 5era arte egongo da zabalik.

https://www.beldurbarik.eus/eu/