Emakundeko Zuzendaritza Kontseiluak egiaztatu du genero-estereotipoek emakumeen eta gizonen bizi-ibilbideak baldintzatzen jarraitzen dutela.
Txostenak egiaztatzen du genero-estereotipoek eta bokazioen segregazioak baldintzatu egiten dituztela emakumeen eta gizonen hezkuntza- eta lan-ibilbideak, eta faktore hori dela bizitzako eremu guztietan arrakalen iraunkortasunean eragina duen faktoreetako bat.
Hizkuntza inklusiboaren erabilerak jokabidean nola eragiten duen aztertzen du Emakunderen beka jaso duen ikerketa batek.
Azterlanaren arabera, hizkuntza inklusiboa erabiltzea lehendik dauden genero-ezberdintasunak ez areagotzeko garrantzitsua da.
Ikerketak hizkuntzaren ekonomia, anbiguotasun faltsua edo genero gramatikalaren eta sozialaren arteko nahasmena bezalako kontrako argudioak baliogabe uzten ditu.
Ikerketa batek aztertu du genero-arauek eta rolek bigarren hezkuntza eta unibertsitateko talde lanetan duten eragina
Neskek beren gain hartzen dituzte zeregin ikusezinenak, eta auto-exijentziaren ondorioz, inurri-lan ezkutua egiten dute taldearentzat. Jendaurrean hitz egiteko legitimitate gutxiago dutela sentitzen dute, eta mutilek, berriz, askatasun handiagoz ikusten dute beraien partaidetza publikoa.
Jaialdietako karteletan emakumeen presentzia zergatik den oso txikia galdetzen denean, erantzuna beti bera izaten da: “ez dago”. Esaldi horrek ematen dio izenburua Noctilucak antolatutako jaialdiari. Ekainaren 4an (larunbata) izan zen, Naven (Malaga), eta hiri-artearen hainbat diziplinatako emakumeek osatzen dute kartela.
Noctiluca managementera eta ekitaldiak ikuspegi feministatik antolatzera bideratutako proiektu bat da. Jaialdi honen bidez, hiphoparen eta raparen munduan emakumerik ez dagoelako ideia kendu nahi izan dute.
https://www.elsaltodiario.com/contracultura/no-hay-tias-no-ni-na
Emakunde-Emakumearen Euskal Erakundeak kontratazio publiko sozialki arduratsuari buruzko webinar batean parte hartu du, #WebysocialEU proiektuaren barruan antolatua. Proiektu hori Europako Batzordearen Enpresa Txiki eta Ertainetarako Agentzia Exekutiboak (EASME) eta Barne Merkatuko, Industriako, Ekintzailetzako eta ETEetako Zuzendaritza Nagusiak (DG GROW) enkargatutako ekimena da, kontratazio publikoan gizarte-klausulen erabilera sustatzeko.
Genero Berdintasunerako Europako Institutuak (EIGE) egindako azterlan baten arabera, Emakundek eta Eusko Jaurlaritzak egindako lana Europako jardunbide onenetako bat izan da kontratazio publikoan genero-ikuspegia txertatzeari dagokionez. Foro horretan, Emakundek eta Eusko Jaurlaritzak 1999. urteaz geroztik gaiari modu integral eta jasangarrian heltzeko egiten duten lana aditzera eman da. Besteak beste, honako jarduera hauek egin dira: araudiak, planak, jarraibideak, jarraibideak eta materialak, erakundeen arteko koordinazioa, sentsibilizazio- eta prestakuntza-jarduerak eta egindako lanaren jarraipena eta ebaluazioa.
Kontratazio publikoko berdintasunari buruzko Emakunderen webgunea
Emakumeek gizonek baino diru gutxiago jasotzen dute lan beragatik. Arrazoietako bat soldata-negoziazioetan generoen artean dauden aldeak dira: emakumeel gizonak baino soldata igoera gutxiago eskatzeko joera dute.
Boston College-ko bi emakume ikertzailek egindako esperimentu baten arabera, haurtzaroan neskak mutilak baino gutxiago saiatzen dira sari altuak lortzen.
120 mutil eta 4 eta 9 urte bitarteko eta hainbeste neska gonbidatu zituzten beren laborategira, eta negoziazio ludiko bat birsortu zuten.
Zer gertatu zen? Hurrengo artikuluan kontatzen digute.
Emakume eta gizonen arteko bataz besteko urteko soldata-arrakala 7.213 eurokoa da Euskadin
Emakunde-Emakumearen Euskal Erakundeak argitaratutako azken txostenaren arabera, “Soldata-arrakala Euskal Autonomia Erkidegoan“, Euskal Autonomia Erkidegoko gizonen eta emakumeen arteko soldata-arrakala % 22,6koa da, eta ehuneko hori 1,5 puntu murriztu da 2015etik. Txosten hau egiteko datuak Estatistikako Institutu Nazionalak (INE) 2020an argitaratutako azken Soldata Egiturari buruzko Inkestatik (EAES) lortu dira. Inkesta hori da argitaratutako azken inkesta sexuaren arabera bereizitako soldatekin. Datorren larunbatean, irailak 18, Emakumeen eta Gizonen arteko Soldata Berdintasunaren Nazioarteko Eguna ospatuko da.
