Estereotipoak

Emakundeko Zuzendaritza Kontseiluak egiaztatu du genero-estereotipoek emakumeen eta gizonen bizi-ibilbideak baldintzatzen jarraitzen dutela.

Txostenak egiaztatzen du genero-estereotipoek eta bokazioen segregazioak baldintzatu egiten dituztela emakumeen eta gizonen hezkuntza- eta lan-ibilbideak, eta faktore hori dela bizitzako eremu guztietan arrakalen iraunkortasunean eragina duen faktoreetako bat. 

+Info

Jarrera matxistak Euskadiko nerabeen eta gazteen artean

Dokumentu honetan Euskadiko gazteen jarrera matxistei buruzko azterlanaren (EDE Fundazioari agindutakoa) eta Arartekoak ondorioak erkatu eta aberasteko garatutako herritarren foroaren emaitzak biltzen dira.

Ikerketa-lan horri esker, Arartekoak hobeto ulertu ahal izan du fenomeno hori, eta zenbait ondorio atera ahal izan ditu, horietatik abiatuta esparru horretako politika publikoak hobetzeko gomendioak eman ahal izateko.

https://ararteko.eus/eu/jarrera-matxistak-euskadiko-nerabeen-eta-gazteen-artean

ikusezin

Ikerketa batek aztertu du genero-arauek eta rolek bigarren hezkuntza eta unibertsitateko talde lanetan duten eragina 

Neskek beren gain hartzen dituzte zeregin ikusezinenak, eta auto-exijentziaren ondorioz, inurri-lan ezkutua egiten dute taldearentzat. Jendaurrean hitz egiteko legitimitate gutxiago dutela sentitzen dute, eta mutilek, berriz, askatasun handiagoz ikusten dute beraien partaidetza publikoa.

+Info

Kontratazio publikoa eta berdintasuna

 

Emakunde-Emakumearen Euskal Erakundeak kontratazio publiko sozialki arduratsuari buruzko webinar batean parte hartu du, #WebysocialEU proiektuaren barruan antolatua. Proiektu hori Europako Batzordearen Enpresa Txiki eta Ertainetarako Agentzia Exekutiboak (EASME) eta Barne Merkatuko, Industriako, Ekintzailetzako eta ETEetako Zuzendaritza Nagusiak (DG GROW) enkargatutako ekimena da, kontratazio publikoan gizarte-klausulen erabilera sustatzeko. 

Genero Berdintasunerako Europako Institutuak (EIGE) egindako azterlan baten arabera, Emakundek eta Eusko Jaurlaritzak egindako lana Europako jardunbide onenetako bat izan da kontratazio publikoan genero-ikuspegia txertatzeari dagokionez. Foro horretan, Emakundek eta Eusko Jaurlaritzak 1999. urteaz geroztik gaiari modu integral eta jasangarrian heltzeko egiten duten lana aditzera eman da. Besteak beste, honako jarduera hauek egin dira: araudiak, planak, jarraibideak, jarraibideak eta materialak, erakundeen arteko koordinazioa, sentsibilizazio- eta prestakuntza-jarduerak eta egindako lanaren jarraipena eta ebaluazioa.

Kontratazio publikoko berdintasunari buruzko Emakunderen webgunea

GREVIO txostena

 

Joan den azaroaren 25ean, Emakumeen aurkako Indarkeriaren eta Etxeko Indarkeriaren aurkako borrokan diharduen Adituen Taldeak,  lehen ebaluazio-txostena argitaratu zuten (GREVIO Txostena): Bertan, Emakumeen aurkako Indarkeriaren eta Etxeko Indarkeriaren Aurkako Prebentzioari eta Borrokari buruzko Europako Kontseiluak sinatutako Hitzarmenean (Istanbulgo Hitzarmena) ezarritako xedapenen eraginkortasuna aztertu eta herrialde ezberdinek martxan jarri dituzten legegintza-neurriak eta bestelako neurriak baloratu dituzte. 

Lehen txosten hau, Espainian egindako lehen ebaluazio-prozeduraren emaitza da, eta Istanbulgo Hitzarmen osoa hartzen du kontutan. Honen harira, Espainiako legeria eta praktikek, emakumeen aurkako indarkeriaren arloan, aztertu eta zenbateraino eraginkorrak diren Hitzarmena bere osotasunean  betetzeko aleginetan. 

+Info

Ikuspegi feminista duen ikerketa sexologikoan

🅜🅤🅝🅓🅤🅑🅔🅡🅡🅘🅐🅚 elkarteko Ahalduntze Sexualerako Nazioarteko Eskolak 18 eta 64 urte bitarteko emakumeei zuzendutako 𝗜𝗸𝘂𝘀𝗽𝗲𝗴𝗶 𝗙𝗲𝗺𝗶𝗻𝗶𝘀𝘁𝗮 𝗱𝘂𝗲𝗻 𝗜𝗸𝗲𝗿𝗸𝗲𝘁𝗮 𝗦𝗲𝘅𝗼𝗹𝗼𝗴𝗶𝗸𝗼𝗮𝗻 parte hartzera gonbidatzen gaituzte. 

https://forms.gle/2KsRvbUUHdoLnaN46

Momentu hontan, ikerketa indartu nahiean gabiz eta horretarako Bizkaian bizi diren emakumeak behar ditugu. 

Zuen parte hartzea eta ikerketaren zabaltzea izugarri eskertzen dugu. 

Guztion artean ezagutza sor dezagun!

Berdintasuna pandemia-garaian

Emakunde-Emakumearen Euskal Erakundeak "Berdintasuna pandemia garaian. Covid 19aren eragina genero ikuspegitik" txostena argitaratu du. Txostenak eragile sozioekonomiko ezberdinei gakoak eskaintzen dizkie COVID-19ren pandemiak emakumeengan eta gizonengan izan duen eragin desberdina hobeto ulertzen laguntzeko, bai eta erantzunak genero-ikuspegia kontuan hartuta egokitzeko gomendioak ere. 

Hori guztia, epe labur, ertain eta luzean hartuko diren neurriak ahalik eta eraginkorrenak izan daitezen, bai emakumeentzat, bai gizonentzat, eta inor atzean ez uzteko, Garapen Iraunkorrerako Euskadi Basque Country 2030 Agendan jasotako konpromisoarekin bat etorriz.

Berdintasuna pandemia-garaian

Genero-indarkeria bizitzaren amaieran

Matia Fundazioak, bizitzaren azken fasean dauden pertsonei arreta psikosoziala ematen dien fundazioak, programa bat argitaratzen du artatzen dituzten familietan eta pertsonetan gertatzen diren genero-indarkeriako egoerei aurre egiteko..

"Bizitzaren amaieran genero-indarkeria arintzeko programa" izeneko programa profesionalek laguntza ematen dieten familietan indarkeria- eta tratu txarreko testuinguruak detektatzean sortzen da, eta esku-hartzea nola bideratu eta egoera horien aurrean ohiko arreta psikosoziala nola egokitu planteatzen da..

Programak tratu txar fisiko eta/edo psikologikoko egoerak jasotzen ditu, bai eta terminalitate-egoeran dagoen pazientea erasotzailea eta haren emaztea eta zaintzaile nagusia biktima diren egoerak ere, edo alderantziz, hau da, egoera aringarrian dagoen pazientea biktima eta gizonezko zaintzailea erasotzailea izatea; kasu horietan, areagotu egiten da biktimaren kalteberetasuna eta haren babesa indartzeko beharra.

+Info

COVID-19 eta generoa

Maiatzaren 11tik aurrera, Osasunerako Nazioarteko Erakundeak  (OMS), COVID-19a pandemia deklaratu eta munduko herrialde guztiak neurri eta estrategia ezberdinak hartu zituzten bere hedapena eta efektua kontrolatzeko asmoz. 

Ala ere, COVID-19 aren agerraldia ez da osasun krisi bat soilik, bere  hedapenaren kontra hartutako  neurriek ondorio sozial eta ekonomiko larriak eragin dituzte. 

Madrileko Emakumearen Institutuak ikerketa bat egin du  generoaren arabera pandemiak izan ditzaken inpaktuen ondorioak aztertzeko, krisiak era desberdinean eragiten baitie emakume eta gizonei. 

+Info