Broders

"Broders" mutilek eta gizon gazteek hitz egiteko, beren kezkak partekatzeko, komunitatea eraikitzeko eta laguntza eskatzeko espazio edo gune bat da. 

"Fundación Iniciativa Social" (FIS) eta "Laintersección" fundazioak bultzatzen dute. 

"Fundación Iniciativa Social" fundazioa, maskulinitatearen, berdintasunaren eta gizarte-partaidetzaren gaietan lan egiten du, eta esperientzia zabala du gazteekin eta helduekin berdintasunezko maskulinitateari buruzko esku-hartze proiektuak koordinatzen. 

“Laintersección” fundazioa berriz, komunikatzaile, prestatzaile, ikertzaile eta bideratzaileen kolektibo bat da, feminismoa, migratzaileen eta LGTBQ+ eskubideen eta klima-aktibismoaren inguruko kanpaina eta proiektu kolektiboak sustatzen dituena. 

https://www.broders.es/

"Ni feminista naiz"

"Ni feminista naiz" da martxoaren 8ko erakundeen arteko kanpainaren leloa. Goiburua "Feminismoa zurekin bat" esaldiarekin osatzen da, eta feminismoak gizarteari egiten dion ekarpena aldarrikatu eta berdintasunaren arloan lortutako aurrerapenei balioa eman nahi die. Honekin batera, feminismoaren balioek pertsonen eguneroko bizitzan botere eraldatzailea dutela erakutsi nahi du. Ukazio eta desinformazio olatuaren aurrean, Emakundek, hiru aldundiek eta EUDELek beharrezkotzat jotzen dute feminismoari buruzko pedagogia egitea eta berdintasun-politikei balioa ematea. Gainera, Aurten Beiing-eko adierazpenaren 30. urteurrena eta Euskal Berdintasunerako lehen Legearen 20. urteurrena ospatzen dira.

Azaroak 25ean

Datorren astelehenean, azaroak 25ean, Emakumeen aurkako Indarkeria Ezabatzeko Nazioarteko Eguna dela eta, Eusko Jaurlaritzak indarkeria matxistaren adierazpen guztiak gaitzetsi nahi ditu eta deia egiten dio gizarteari denok batu gaitezen emakumeen kontrako indarkeria geldiarazteko. 

+Info

Pentagrama Fest

 

Aniztasunaren, berdintasunaren, justizia sozialaren eta duintasunaren arte eszenikoen jaialdia Euskadin.

Pertsona guztientzako jaialdia da, batez ere gazteenentzat. Gure gizartean dagoen ezberdintasuna eta aniztasuna giza eskubideen errespetuaren, 2030 Agenda betetzearen eta kultura-bilakaeraren eta -aberastasunaren seinale dela erakutsi nahi dugu, sentsibilitate pedagogiko osoz.

Haur eta gurasoentzako jarduerak eta tailerrak egongo dira aniztasunaren aberastasunari buruz, gure ustez, familia-nukleotik abiatuta balioak irakasteak gizartea eraldatzen duelako.

Fobiarik gabeko espazio bat sortuko dugu; alaia eta dibertigarria; energia trukea sortuko duen leku seguru bat, enpatian eta errespetuan oinarritua.

2024.10.13 | 12.00 - 21.00 

La terminal y Espacio 600: ZORROZAURRE K. Pintor Ignacio Zuloaga, Bilbo

+Info

Zinema ikusezina

+Info

Ikusgaia: Rosa Parks

Rosa Parks historiara pasatu zen 1955ean Alabamako autobus batean bidaiari zuri bati eserlekua uzteari uko egiteagatik. Gertaera horrek agerian utzi zituen arraza beltzeko pertsonek pairatzen zituzten segregazio baldintzak, eta haien eskubide zibilen defentsarako elkarte bat sortzea ere ekarri zuen.

Gainera, Parksen ekintzak eragin nabarmena izan zuen mugimendu feministan, erakutsiz emakumeak ere lider izan zitezkeela justizia sozialaren eta berdintasunaren aldeko borrokan.

+Info

Clara Campoamor

Clara Campoamor kaleko fatxada batean horma-irudi bat egiten ari dira, estatuko emakumeek botoa emateko eskubidea lortu zuen abokatu eta politikari horren omenez.

Zorrotzako bizilagun baten ideia izan zen horma-irudia egitea, eta proposamen bat aurkeztu zuen Udalak urtero antolatzen dituen aurrekontu parte-hartzaileetara.

#callejeroconnombredemujer

Prozesu penala

Emakundek eta Justizia Auzitegi Nagusiak gida bat banatu dute indarkeria matxistaren biktimei prozesu penalari buruzko informazioa emateko 

Iñaki Subijana Euskal Autonomia Erkidegoko Auzitegi Nagusiko presidenteak, Nerea Melgosa Eusko Jaurlaritzako Berdintasun, Justizia eta Gizarte Politiketako sailburuak eta Miren Elgarresta Emakundeko zuzendariak “Genero-indarkeriaren biktimentzako zigor-arloko prozesuari buruzko informazio-gida” aurkeztu dute gaur goizean EAEko Auzitegi Nagusiaren egoitzan, “Zigor-arloko prozesuan biktimek dituzten eskubide nagusiak” deitutako liburuxkarekin batera.

+Info

Berdintasun plana

Kaixo, Gaur, Emakumeen Nazioarteko Eguna, gure langileen berdintasunari buruzko datuak erakutsi nahi dizkizuegu.

Horretarako, 2023-2027 Berdintasun Planarako egindako diagnostikotik jasotako datuak aurkezten dizkizuegu.   

Berdintasuna

Kaixo, berdintasunaren alorreko gure estrategia konpromiso esplizitu batetik abiatzen da, eta horrek Emakumeen eta Gizonen Berdintasunerako bi Plan garatzera eraman gaitu. Gaur egun, 2023-2027 urteetarako onartutako Berdintasunerako 2. Plana ezartzen hasi gara, eta bertan 4 erronka nagusi ezarri ditugu, irudian erakusten ditugunak.

Berdintasun Plan hau gure Berdintasun Taldeak bultzatu du, Ana Luz Prieto, Isabel Espiño, Maite Albistur, Jorge Freudenthal eta Jorge Porras gure lankideek osatzen zutena hasiera batean. Gaur egun, gainera, taldeko kide dira Ane Lekanda eta Ianire Subinas; Ana Luz, Maite eta Jorge F.ren ordez.

Era berean, Oihane Bilbaok parte hartzen du Zuzendaritza Batzordearen aldetik, eta nik neuk Zuzendaritzaren aldetik. Txandakako eta diziplina anitzeko talde bat da, non ideiak trukatzen ditugun, eta urte bakoitzean garatu beharreko estrategiak diseinatzen ditugun.

Emakumearen eguna

 

"Amelia. Historia de una lucha"

 

Amelia Tiganus prostituzioaren abolizioarekin konprometitutako aurpegietako bat da. Ekintzaile feminista, 1984ko martxoaren 11an jaioa, Galatin, Errumania. Bost urtez espainiar estatuan sexu-esplotazioa pairatu ondoren, Euskal Herrian bizi da non eta bere bizitza berreraiki eta berritu ahal izan zuen. Hainbat artikulu argitaratu ditu, besteak beste, ‘La revuelta de las putas’ eta ‘El trabajo os libre’. Prostituzioari eta sexu-indarkeriari buruzko sentsibilizazio- eta prebentzio-ikastaro eta -tailerretan ere trebatzailea da. 

"Amelia.Historia de una lucha" komikia bere bizi-esperientzian oinarrituta dago. Formatu horren bidez, publiko gazteenera iritsi nahi du. 

Bilboko udal-liburutegietan aurki dezakezue. 

Women in black

 

Feminismoa

 

Feminismoa

 

Espainiako Errege Akademiak (RAE) honela definitzen du feminismoa: “emakumeen eta gizonen eskubide-berdintasunaren printzipioa, bai eta feminismoaren maila guztietan benetako errealizazioaren alde borrokatzen duen mugimendua ere”. 

Oso material osatua aurkitu dugu, hobeto ulertzen lagunduko dizuna, eta hezkuntza-material gisa erabil dezakezue etxean, eskolan edo beste gizarte-hezkuntzako ikastetxe batzuetan.

https://view.genial.ly/621893e6a73c3f0019430212/presentation-feminismo-por-que

Dunia Wasserstrom

 

Dunia Wasserstrom Zhitomir-en (Ukraina) jaio zen lehen Mundu Gerra baino lehen, eta Parisen (Frantzia) hazi zen. 

1942ko udan, Ariel Ourisson lehen senarrarekin Auschwitzera erbesteratu zuten, eta haren familia Exterminioko beste eremu batzuetara (denak hil ziren, bera izan ezik). Haren tatuaje-zenbakia 10.308 zen. Poliglota izanik, nazien idazkari izatera behartu zuten. 1943tik 1945ean askatu zen arte aritu zen interprete-lanetan.  SS-k egiten zituzten galdeketetan torturatutako presoek esaten zutena ez zien itzultzen. Erresistentziaren parte izan zen. 

Dunia lekuko garrantzitsua izan zen Auschwitzeko Epaiketetan. 

"Nunca jamás" izeneko liburua idatzi zuen. Bertan, konzentrazio-eremuetan izandako bizipenak kontatzen ditu. 

Mexikon bizi izan zen eta bertan hil zen 1991ko urriaren 1ean. 

+Info

Gizonak eta indarkeria matxistak

 

Eman izena

Feminismoaren historia

 

Clara Campoamor

 

1931ko urriaren 1ean emakumeek boto-eskubidea lortu zuten Espainian. Isaías Lafuentek kontatutako podcast honek, Aura Garrido protagonista duela, eta historialarien parte-hartzearekin, Clara Campoamorrek historia egin zuen parlamentu-saioak birsortzen ditu.  

https://podcasts.apple.com/es/podcast/clara-conquista/id1587031870?l=en

Mafalda: Femenino singular

 

Imagen

Joaquin Lavado,  Uztailaren 17an, Mendoza, Argentinan jaio zen eta duela gutxi zendu zen. Txikitan jabetu zen marrazkilari izateko zeukan bokazioaz eta orduan izan zen Quino deitzen hasi zitzaizkionean.  

1964an Mafalda, bere pertsonaia, aldizkari batean agertzen hasi zen eta beranduago egunkari batean. Lumen argitaletxeak hamaika liburuki argitaratu ditu Mafaldaren bineten bildumekin. Zerotik hamarrera zenbakituak eto liburuki bakar batean “Mafalda”. “Todo Mafalda” pertsonaiaren berrogeitahamargarren urteurrenean argitaratu zen, pertsonaiaren    argitaratugabeko binetekin. 2018 an feminismoaren inguruko bilduma argitaratu zen “Mafalda. Femenino singularra”.  

Bilduma honetan Quinoren pertsonaiak, matxismoa eta emakumeen rolaren inguruan   hausnartzera gonbidatzen gintuen. Quinok giza-eskubideen aldekoa izan zen eta emakumeen eskubideak maisutasunez defendatu zituen. 

Hone hemen gure omenaldirik zintzoena.