Broders

"Broders" mutilek eta gizon gazteek hitz egiteko, beren kezkak partekatzeko, komunitatea eraikitzeko eta laguntza eskatzeko espazio edo gune bat da. 

"Fundación Iniciativa Social" (FIS) eta "Laintersección" fundazioak bultzatzen dute. 

"Fundación Iniciativa Social" fundazioa, maskulinitatearen, berdintasunaren eta gizarte-partaidetzaren gaietan lan egiten du, eta esperientzia zabala du gazteekin eta helduekin berdintasunezko maskulinitateari buruzko esku-hartze proiektuak koordinatzen. 

“Laintersección” fundazioa berriz, komunikatzaile, prestatzaile, ikertzaile eta bideratzaileen kolektibo bat da, feminismoa, migratzaileen eta LGTBQ+ eskubideen eta klima-aktibismoaren inguruko kanpaina eta proiektu kolektiboak sustatzen dituena. 

https://www.broders.es/

Udako ikastaroa

 

Emakundek urtero antolatzen du Udako Ikastaroa Fundazioarekin batera ikastaro bat.

Aurten “Belaunaldi berrientzako Internet seguru eta feminista bat pentsatuz: orainaldiko jakintzak eta etorkizuneko erronkentzat” izenburupean gauzatuko da, ekainaren 17 eta 18an izango da, Miramar Jauregian.

+Info

Berdintasun Eskola 2025

 

Emakunderen Berdintasun Eskola online guneak genero-ikuspegia bizitzaren eremu guztietan zeharka txertatzeko sentsibilizazioa, prestakuntza eta gaikuntza sustatzen ditu, Emakumeen eta Gizonen Berdintasunerako Lege berriaren (martxoaren 16ko 1/2023 LD) aginduei eta herritarren eskariari erantzunez. Haren helburu nagusia da gizarte honek benetako berdintasunerantz aurrera egiteko behar duen balio-aldaketa bultzatzea.

Doakotasuna

https://formakunde.eus/eu/

Batukada

 

"Ni feminista naiz"

"Ni feminista naiz" da martxoaren 8ko erakundeen arteko kanpainaren leloa. Goiburua "Feminismoa zurekin bat" esaldiarekin osatzen da, eta feminismoak gizarteari egiten dion ekarpena aldarrikatu eta berdintasunaren arloan lortutako aurrerapenei balioa eman nahi die. Honekin batera, feminismoaren balioek pertsonen eguneroko bizitzan botere eraldatzailea dutela erakutsi nahi du. Ukazio eta desinformazio olatuaren aurrean, Emakundek, hiru aldundiek eta EUDELek beharrezkotzat jotzen dute feminismoari buruzko pedagogia egitea eta berdintasun-politikei balioa ematea. Gainera, Aurten Beiing-eko adierazpenaren 30. urteurrena eta Euskal Berdintasunerako lehen Legearen 20. urteurrena ospatzen dira.

Ekonomia, enpresa eta genero IX jardunaldiak

«Ekonomia birpentsatzen: zaintzak ardatz»

Eguna: 2025ko martxoaren 17a

Ordua: 11:20

Lekua: Ekonomia eta Enpresa Fakultatea, Areto Nagusia (Sarriko)

Online (saio irekia): Ekonomia, enpresa eta genero IX jardunaldiak

Azalpena:

Jardunaldi hauen bidez enpresa, ekonomia eta zuzenbide arloetan genero ikuspegia barneratzea bultzatu nahi da, bere garrantziaren eta egokitasunaren kontzientzia sustatuz, eta arlo honetan praktika onen eredu eta adibideak aurkeztuz. Aldi berean, unibertsitatean gai honen inguruko hausnarketa ere bultzatu nahi da, bereziki  ekonomiaren eta enpresaren eta honen kudeaketaren inguruko irakaskuntza eta ikerketari dagokionez.

Aurtengo edizioak zaintzak izango ditu ardatz, hain zuzen ere sistema ekonomikoari eta enpresen antolakuntzari genero ikuspegitik eragiten dien gai nagusietako bat. Zaintzak, bizitza mantentzeko oinarria, ikusezin egon izan dira eta oraindik ere askotan badaude, eta, aldi berean, haien erantzukizuna nagusiki emakumeena izan da. Egoera horrek lotura zuzena du sexuaren araberako lan-banaketarekin eta produkzio-lanaren eta ugalketa-lanaren arteko bereizketarekin, azken honek balorazio eta aintzatespen txikiagoa duelarik. Jardunaldian, egoera horrek eragindako problematikan sakonduko da, batez ere egungo testuinguruan, eta eraldaketa sozial eta ekonomiko beharrezko baterako ardatzak planteatuko dira, bai ikuspegi sozio-ekonomikotik, bai ikuspegi juridikotik. Halaber, Maitelan zaintza kooperatibaren esperientzia bertatik bertara ezagutzeko aukera izango da.

Egitaraua:

• Jardunaldiaren aurkezpena eta inaugurazioa.

• Amaia Pérez de Orozco. Ekonomian doktorea. Colectiva XXK-ko kidea. Ekonomia feministan aditua.

• Samara de las Heras Aguilera. Zuzenbidean doktorea, Fem Ius-eko aholkulari juridikoa. Emakumeen eskubideen eta berdintasun politiken arloan aditua.

• Maitelan S.Koop.

• Eztabaida irekia.

Jardunaldia ikasleei, irakasleei, profesionalei eta, orokorrean, gaian interesa duten pertsona guztiei zuzenduta dago.

Harremanetarako:

Enpresaren Zuzenbidea eta Zuzenbide Zibila Saila.

irati.basoredo@ehu.eus  /  itziar.villafanez@ehu.eus

Sormen Errebelde feminista

 

Lidergo feminista

 

Jardunaldi: “Emakumeen lidergo feminista, berdintasuna lortzeko giltzarri”

Non: Kursaal elkargunea. Zurriola hiribidea 1 Donosti

Noiz: 2024ko azaroak 7 / 10:00 -13:00

Aurrez aurrekoa

Zeinu-hizkuntza interpretazio eta itzulpen zerbitzua

Izen emateak hemen azaroak 6ko 14:00ak arte

Emakunderen berdintasun eskola

Emakunderen Berdintasun Eskola online guneak genero-ikuspegia bizitzaren eremu guztietan zeharka txertatzeko sentsibilizazioa, prestakuntza eta gaikuntza sustatzen ditu, Emakumeen eta Gizonen Berdintasunerako Lege berriaren (martxoaren 16ko 1/2023 LD) aginduei eta herritarren eskariari erantzunez. Haren helburu nagusia da gizarte honek benetako berdintasunerantz aurrera egiteko behar duen balio-aldaketa bultzatzea.

https://formakunde.eus/eu/

Eraso sexistarik gabeko Aste Nagusia

Abuztuan zehar, emakumeen kontrako indarkeriari aurre egiteko Aste Nagusirako diseinatutako kanpainaren irudiak ikusi ahal izango dira, era bateko eta besteko publizitate-euskarritan, uriko kaleetan han eta hemen, eta halaber Udalaren sare sozialetan, eta baita webgunean ere: www.bilbao.eus. 

Irudiaren diseinuari dagokionez, protagonista Marijaia da, errespetuzko eta berdintasunezko jaien defendatzaile handiena; besoak altxatuta, eta bi eskuturreko agerian, bata morea eta bestea ortzadarraren koloreekikoa, eskuen keinu baten bidez agertzen du indarkeria ororen kontrako gaitzespena. Gainera, "SOLO SÍ ES SÍ/BAKARRIK BAI DA BAI" leloa irakur daiteke, erdigunean , dagoeneko herritarren artean zabalduta dagoen mezu honekin: “NO ES NO/EZ BETI DA EZ". Bi lelo horiek ingelesera eta frantsesera ere itzuli dira.

Jaietan ere hedatuko da mezua, kontzertuen agertokietako pantailetan eta uriko turismo-bulegoetan; gainera, kanpainarekin bat egin nahi duten konpartsetan, saltokietan, jatetxeetan eta hoteletan ere zabalduko da. Era berean, Udalak animatu egiten ditu herritarrak irudiak beren profil sozialetan erakustera, edozein eraso sexistaren aurrean baterako gaitzespena erakusteko. 

Informazio gehiago: 

https://www.bilbao.eus/cs/Satellite?cid=1279228897328&language=eu&pagename=Bilbaonet%2FPage%2FBIO_contenidoFinal

https://acrobat.adobe.com/id/urn:aaid:sc:EU:8c87758f-9f7a-45b1-89ea-9f5f079a111e

Ikusgaia: Rosa Parks

Rosa Parks historiara pasatu zen 1955ean Alabamako autobus batean bidaiari zuri bati eserlekua uzteari uko egiteagatik. Gertaera horrek agerian utzi zituen arraza beltzeko pertsonek pairatzen zituzten segregazio baldintzak, eta haien eskubide zibilen defentsarako elkarte bat sortzea ere ekarri zuen.

Gainera, Parksen ekintzak eragin nabarmena izan zuen mugimendu feministan, erakutsiz emakumeak ere lider izan zitezkeela justizia sozialaren eta berdintasunaren aldeko borrokan.

+Info

Udako ikastaroa

 

+Info

EMAKUMEAK biltzarra

Askatasun afektibo sexuala

 

Askatasun Afektibo Sexualari buruzko Hitzaldia Ana de Miguel filosofo eta feminista espainiarrarekin; Granadako Unibertsitateko Lege eta Auzitegi Medikuntzako irakaslea, Miguel Lorente, eta Espacio Regadera-ko kidea, Sokoa Lasa Azcunaga eta Leire Serrano Alberdi. 

Isabel León, Euskadiko SER kateko edukien eskualdeko zuzendaria,  Bilbao EMAKUMEAK kongresu feministaren hirugarren jardunaldian izan zen mahai-ingurua dinamizatzeko arduraduna,  Bizkaiko Foru Aldundiko Enplegu, Gizarteratze eta Berdintasun Sailak antolatuta. 

Emakumea eta teknologia

Martxoaren 8a Emakumearen Nazioarteko Eguna da, berdintasunari buruz hausnartzeko unea. Pausoak ematen ari dira, baina oraindik bide luzea dago egiteko. Aurrera egiteko moduetako bat da bizitzako arlo guztietan ekarpen esanguratsuak egin eta itzalean geratu diren hainbat eta hainbat emakume ikusaraztea.

Artikulu honetan, teknologiaren arloan egindako ekarpenekin nabarmendu diren emakumeei buruzko aipamena egiten digute: Ada Lovelace, Grace Hopper, Margaret Hamilton, Top Secrets Rosies, Angela Ruiz Robles, Carol Shaw, Shirley Ann Jackson, Hedy Lamarr, Melanie Wolperwhkins eta Schitney.

Gustatuko litzaizuke zure ekarpena zein izan zen jakitea?

+Info

"Zuetaz Harro"

"Zuetaz Harro” da martxoaren 8ko Emakumeen Nazioarteko Egunaren kanpainaren leloa, Berdintasun, Justizia eta Gizarte Politiketako Sailak bultzatua, Emakunderen, hiru foru aldundien eta EUDELen eskutik.

Esaldi honekin batera doan leloak: “Ahaldundutako emakume bakoitzaren atzean ahalduntzera bultzatu duen beste emakume bat egon da” emakume adinduek gazteenen ahalduntzean egindako ekarpena goraipatzen du, belaunaldien arteko harremanaren garrantzia bereziki azpimarratuz.

+Info

Mingeneros

Argentinako web gune honek gizarte bidezkoago, berdintasunezkoago eta genero arrazoiengatiko indarkeriarik gabekora hurbiltzen gaituzten eraldaketa soziokulturalak bultzatzeko edukiak eskaintzen dizkigu.

Hauei buruzko liburuak doan deskarga daitezke:

• Zaintzak
• Indarkeriak
• Maskulinotasunak.
• Genero-indarkeria jasaten duten pertsonei laguntzea.
• Komunikazioa genero ikuspegiarekin...

https://editorial.mingeneros.gob.ar/index.html

On line eskola

Emakundek online eskola bat jarri du abian, herritarrak berdintasunaren arloan sentsibilizatzeko eta prestatzeko.

Emakunderen Berdintasun Eskolak jasotzen duen prestakuntza-eskaintza 32 ikastarok osatzen dute, berdintasunari buruzko hainbat gairi buruzkoak. Gaien artean, berdintasunari buruzko oinarrizko ikastaro batez gain, honako gai hauei buruzko ikastaroak eskaintzen dira: ziberfeminismoa, ahalduntze feminista, genero-ikuspegia txertatzea, berdintasunean haztea, emakumeen aurkako indarkeria, berdintasunezko maskulinitateak, berdintasuna kirol-praktikan, berdintasuna osasunean, komunikazioan, ekonomia feminista, berdintasun-planak enpresetan... 

+Info

Clara Campoamor

Clara Campoamor kaleko fatxada batean horma-irudi bat egiten ari dira, estatuko emakumeek botoa emateko eskubidea lortu zuen abokatu eta politikari horren omenez.

Zorrotzako bizilagun baten ideia izan zen horma-irudia egitea, eta proposamen bat aurkeztu zuen Udalak urtero antolatzen dituen aurrekontu parte-hartzaileetara.

#callejeroconnombredemujer

Jardunaldi

 

“Feminismoa nire bizitza aldatu du” jardunaldiak #Emakumeak antolatu du, Espacio Regaderaren laguntzarekin. Bilboko FICC terminalean izango da.

Doako otordu feminista bat egingo da, eta sarrera eskuratzean eman behar da izena.

Haurtzaindegi zerbitzua izanen da. Sarrera erosten denean zehaztu egin behar da.

+Info