On line eskola

Emakundek online eskola bat jarri du abian, herritarrak berdintasunaren arloan sentsibilizatzeko eta prestatzeko.

Emakunderen Berdintasun Eskolak jasotzen duen prestakuntza-eskaintza 32 ikastarok osatzen dute, berdintasunari buruzko hainbat gairi buruzkoak. Gaien artean, berdintasunari buruzko oinarrizko ikastaro batez gain, honako gai hauei buruzko ikastaroak eskaintzen dira: ziberfeminismoa, ahalduntze feminista, genero-ikuspegia txertatzea, berdintasunean haztea, emakumeen aurkako indarkeria, berdintasunezko maskulinitateak, berdintasuna kirol-praktikan, berdintasuna osasunean, komunikazioan, ekonomia feminista, berdintasun-planak enpresetan... 

+Info

Erantzunkidetasuna

GIZONEKIN ESKU HARTZEA ERANTZUNKIDETASUNA SUSTATZEKO 

10 orduko ikastaro presentziala, osasun, gizarte eta hezkuntza arloko profesionalei zuzendua. 

DATA: Otsailak 15 eta 22 

TOKIA: "La Bolsa" eraikina, Pilota kalea, 10. Bilbo 

ORDUTEGIA: 9etatik 14etara 

PLAZA MUGATUAK 

Inskripzioa

+Info 

Gizonduz ekimena

Gizonduz Eusko Jaurlaritzaren ekimen aitzindaria da, EmakundeEmakumearen Euskal Erakundeak bultzatua, eta helburu du emakumeen eta gizonen arteko berdintasunaren alde gizonak kontzientziatu daitezen eta horretan inplikatu eta parte hartu dezaten sustatzea.

Gizonduz sentsibilizazio eta prestakuntza programak ikastaroak eskaintzen ditu; doakoak eta malguak dira, aurrez aurre zein internet bidez egin daitezke, eta mota guztietako gaiak jorratzen dituzte.

https://www.emakunde.euskadi.eus/contenidos/informacion/gizonduz_formazioa/eu_def/adjuntos/gizonduz_eskuorria_2022.pdf

Gizonduz

Txileko Gobernua Emakunderen Gizonduz programan oinarrituko da bere herrialdeko gizonak berdintasunean prestatzeko.

Beatriz Artolazabal Berdintasun, Justizia eta Gizarte politiketako sailburua, Izaskun Landaida Emakundeko zuzendariarekin batera, Monica Zalaquett Txileko Emakumearen eta Genero Ekitatearen ministroarekin bildu da. Txileko Gobernuak eskatutako bilera honen helburua izan da Emakunderi eta Eusko Jaurlaritzari eskerrak ematea Emakunderen Gizonduz programan oinarritzeko aukera emateagatik Txileko gizonak berdintasunean prestatzeko. Ministroak azaldu duenez, Txileko gobernuaren nahia da Euskadin maskulinitateei eta berdintasunerako prestakuntzari buruz egindako lanean sakontzea, eta, horregatik, maskulinitateei buruzko online ikastaro bat diseinatzen ari dira Gizonduz programaren ikastaroen edukietan oinarrituta. 

+Info

Komiki

Hemen aurkezten dizkizuegun komikiak, Europako Fondo Sozialarekin batera finantziaturik, Gizarte Berrikuntzarako NEO proiektuaren eremuan argitaratu dira. Proiektu honek, genero-berdintasuna lortzeko gizonekin egiten den lana, estrategia gisa erabiltzen du. 

“Seguir Adelante” proiektuaren barruan, Cepaim Fundazioak bi argitalpen digital kaleratu ditu. 

Esteka hauetan ikus ditzakezue bi komikiak: 

Hombres Feministas. Algunos referentes.

El Viaje.HombresFeministas.

"El círculo"

 "El Círculo", Ivan Roiz eta Alvaro Priantek zuzendu, Nanouk Filmsek ekoitzi eta Movistar+ webgunean eskuragarri dago. Dokumental honek gizontasuna beste era batera adierazi nahi duten gizon askoren egoeran sakontzen du. 

Hori egiteko, Madrilgo eta Bartzelonako, “círculos” taldeekin jarri ziren harremanetan, gizonek berrikuspen pertsonalerako osatu dituzten jarduera-taldeekin alegia, maskulinotasun-patroi berriak eragin eta beharrezko dekonstrukzioa bideratzeko sortu diren espazioak hain zuzen. 

Berdintasunean heztea

 

Emakumeok gizartean dugun rola aldatu egin da, eta horrek, ezinbestean, maskulinotasunaren rola zalantzan jartzea eta eraldatzea ekarri du. Maskulinitate berri bat sortzeko unea iritsi da. 

Testuinguru honetan, familiaren ikuspegitik, "Aita berriak" inplikazio aktiboa du hazkuntzan, enpatia erakusten du, zaintza-lanetan parte hartzen du eta seme-alabak lehenesten ditu. Gizonak zaintzaile izatetik gizon arduratsu izatera pasatu dira. 

Gobernuz kanpoko AFAE Erakundeak berdintasunean hezteak eta hazteak adimen anitzak eta gure seme-alaben osasuna garatzeko dituen abantailak ezagutzera gonbidatzen gaitu. 

Eta horretarako ezer hoberik ez dago Ritxar Bacete aita – Horrek dakarren guztiarekin – eta genero eta maskulinitateetan espezialista handienetako baten gogoeta eta proposamenetatik abiatzea baino. 

Doako hitzaldi hau ostegunean izango da, azaroaren 26an, 19: 00etan, eta online eta zuzenean emango da lotura honetan aurkituko duzun estekaren bidez.

Maskulinitate hegemoniko

Raewyn Connell (Sydney, Australia, 1944), soziologo australiarra da, R.W. Connell sinatu ohi duena. Robert gizonezko izena eta identitatea eman zizkioten jaiotzean, baina emakumezko transexuala da.

Maskulinitatearen inguruan teorizatu eta idatzi izan du, batik bat maskulinitate hegemoniko eta genero-indarkeriaren arteko loturari buruz. Eredu horrekin bat ez datozen gizontasunak menpeko gizontasun bihurtzen dira.

Iritzi artikulua

Ahige

Genero berdintasunaren aldeko gizonen elkartea, gizon izateko beste modu bat bilatzeko, maskulinotasun eredu positiboen bitartez, errespetuz, berdintasunez eta askatasun handiagoz jokatzeko. Sexuan oinarritutako diskriminazio ororen aurka borrokatzen da, bereziki emakumeek sufritzen dituzten diskriminazioen aurka.

Elkartearen xedeak hauek dira:

Gizonen eta emakumeen arteko benetako berdintasuna sustatzea, alderdi eta esparru guztietan: legea, gizartea, lana, familia, hezkuntza…

Gizonengan aldaketa sustatzea, berdintasuna gehiago bultzatu eta eredu tradizional maskulinoa hautsiko duten jarreretarantz, prozesu horietan gizonei lagunduz, hori guztia denontzako onuragarria izango dela ulertaraziz.

https://ahige.org/

https://www.facebook.com/ahige.euskadi/