Aldundiak jostailu ez-sexisten aldeko Gabonetako kanpaina berritu du. Mezua oso irudi koloretsuan oinarritzen da eta "Aukeratu ilusioak, baztertu opari sexistak/Elige ilusiones con regalos no sexistas" leloa du.
Kanpaina honetako materiala kartelek, pegatinek eta Olentzerori, Bizarzuriri edo Errege Magoei opariak eskatzeko gutun tradizionala idazteko erabil daitezkeen posta-txartelek osatzen dute, eta umeek jostailu-denda, ikastetxe edo erakundeetan lortu ahal izango dituzte.
2021eko Emakunde Saria genero-ikuspegia txertatzen duen eta emakumeen eta gizonen berdintasunarekin konprometituta dagoen kazetaritzarentzat izan da. Epaimahaiak saria eman die genero-ikuspegia presente duten kazetaritza prestakuntza eta haren aplikazio praktikoa (bai orotariko komunikabidetan zein espezializatuetan) egiten duten hiru figura ezberdinei: saritutako hautagaiak EHUko Informazio Zientzien Fakultateko irakaslea eta kazetaria zen Lucía Martínez Odriozola (hil ondoren), Berria egunkaria eta Pikara Magazine aldizkaria izan dira.
Izaskun Landaidak, Emakundeko zuzendariak adierazi duen bezala, "Ezinbestekoa den genero ikuspegia txertatua duen formakuntzatik, aplikazio praktikora dagoen bidea saritu da". Sari partekatua emakumeen eta gizonen berdintasunarekin konprometitutako komunikazio eta kazetaritzaren alde egindako ekarpenagatik eman zaie, kazetaritza-zereginean ikuspegi feminista eta genero-ikuspegia sustatzeagatik.
Berdintasuna sustatzeko esperientziak aurkeztu dituzte Emakunderen Generation Equality ekimenean murgilduta dauden entitateek
Nazio Batuak Emakumeak erakundeak Beijingo Emakumeen IV. Mundu Konferentziaren 25. urteurrena ospatzeko diseinatutako eta Euskadin Emakundek bultzatzen duen Generation Equality ekimenak dagoeneko ehun euskal erakunde ingururen parte hartzea lortu du, era askotarikoak: Udalak, ikastetxeak, enpresak, elkarteak, sindikatuak, unibertsitateak... Gaur arratsaldean, Beatriz Artolazabal Berdintasun, Justizia eta Gizarte Politiketako sailburuak, Izaskun Landaida Emakundeko zuzendariarekin batera, lan-saio bat ireki du. Bertan, ekimenari atxikitako erakundeek parte hartu dute, eta horietako hiruk (Lauaxeta ikastola, Gizardatz eta Itelazpi) barne-hausnarketako esperientzia partekatu dute, baita datozen urteetarako berdintasunarekiko erronkak eta konpromisoak hautemateko esperientzia ere.
#callejeroconnombredemujer
Gabeziek markatutako belaunaldi batean jaio zen. Burdinaren eta ontziolen hazkunde ikusgarria izanda ere garai sozial zaila zen.
Felipa de Zuricalday (1849- 1902) bere garaiko kanonetan hezitako bilbotarra zen. Familia-arau tradizionalek ezartzen zuten bezala, 20 urterekin ezkondu zen Federico de Echevarría y Rotaecherekin, enpresa siderometalurgiko ezagunaren sortzailearekin. Federikok felipak baino bederatzi urte gehiago zituen, eta elkarrekin hamar seme-alaba izan zituzten.
Haren abizena Santutxuko plaza bati ematen zaio, enpresako langileentzako etxebizitzak eraiki ziren eremuan.
Kokalekua:
Programa hau 2005ean sortu zen IRSE-EBIan eta honen ekimenez, aginte judizialei erantzuna emateko, izan ere, Genero indarkeriaren kode penalean eta lege integralean bilduta baitago, eta genero indarkerian prozesu pertsonal bat egitea dakar. Bikoteak erasotzen edo eraso dituzten gizonekin lan egiteko beharrak eraginda sortu zen Gakoa, helburu bihurtzen diren arrazoietan oinarrituta:
Lehenengoa eta funtsezkoena, emakumeen eta haien seme-alaben osotasun fisikoa eta psikikoa babestea. Gure ustez, eta egiaztatua dugu, planteatutako helburuekin lan egiten dugun gizonezkoek emakumeei erasotzeko probabilitate txikiagoak dituzte lan terapeutikorik egin ez dutenek baino. Beraz, emakumeen eta haien seme-alaben prebentzio eta babes lana egiten dugu. Bestetik, gizonezkoa bada emakumeen aurkako indarkeriaren gako piezetako bat, ezinbestekoa da harekin lan egitea erabiltzen duten indarkeria legitimizatzen duten ideien, jarreren eta emozioen oinarri hori desegiteko.
IRSEri kondenatutako gizonezkoekin esku-hartzeko berariazko eredua ko-eraikitzera eraman zuten beste arrazoietako bat, entitatearen estatutuak sortzeko xedeetan barne, eta bere filosofian barne, arazo judizialak dituzten pertsonen bizitza kalitatea hobetzea izan zen.
https://bbkfamily.bbk.eus/eu/gakoa-ez-erortzeko-gakoak-bilatzen/
Bilboko Udalak Glasso Agentziaren «Kaletarrak» proiektua sustatzen du, #BilbaoAurrera Planaren bitartez.
Proiektu horren protagonistak dira uriko kale-izendegian gaur egun dauden 28 emakumeak.
Horrela, bada, abenduaren 16ra arte, kale horietako bakoitzean totem bat egongo da, bi QR koderekin. Horien bitartez, euskarazko eta gaztelaniazko podcast bat entzun ahalko da, «Kaletarrak»en Ivoox eta Spotify kanaletan, kaleari izena ematen dion emakumearen istorioari buruz. Totemean, QR kodeaz gain, dagokion emakumearen argazkia egongo da, eta gainerako kaleen zerrenda, barrutika.
1931ko urriaren 1ean emakumeek boto-eskubidea lortu zuten Espainian. Isaías Lafuentek kontatutako podcast honek, Aura Garrido protagonista duela, eta historialarien parte-hartzearekin, Clara Campoamorrek historia egin zuen parlamentu-saioak birsortzen ditu.
https://podcasts.apple.com/es/podcast/clara-conquista/id1587031870?l=en
Erasoen aurkako aplikazioa
Funtzionamendua:
1. Aplikazioa deskargatu ondoren, datu pertsonalak sartu behar dira telefonoa geolokalizatzeko. Hori dela eta, laguntza eskatzeko, ez da telefonoz deitu behar, baizik eta aplikazioko botoi bat sakatu behar da, Udaltzaingoarekin zuzenean harremanetan jartzeko.
2. Aplikazioak 3 botoi ditu, funtzio banarekin:
Eraso bat jasaten ari naiz: Larrialdietako botoia da. Sakatzean, seinale bat bidaltzen zaio Poliziari berehala, pertsona non dagoen adierazita, agenteak azkar-azkar joan daitezen.
Eraso bat salatu: Indarkeria-ekintza ikusten duen edozeinek salatu egin dezake.
Etorri nirekin: Erabiltzailea etxera doan bitartean, norbere kontaktuek lagun egiten diote eta mapa birtual batean ikusiko dituzte haren urratsak. Uneren batean erabiltzailea bidetik aldendu edo ez duela aurrera egiten ikusten badu, laguntzaileak Udaltzaingoari dei diezaioke.
"Conectar sin que nos raye" irakasleentzako eta nerabeekin lan egiten duten pertsona guztientzako gida bat da, Z belaunaldiaren eskaerak eta beharrak gehiago ulertzeaz gain egungo gazteria zeharkatzen duten indarkeriak (ciber) hobeto ulertu nahi dituztenak. Hori guztia ahalik eta eguneratuena izaten saiatzen den ikuspegitik, genero-ikuspegitik begiratuta eta aniztasunari erreparatuta.
14 urtetik gorako gazteekin laguntzera bideratuta dago.
Tasmaniako artista batek, Sonia Singh, Tree Change Dolls® asmatu du. Soniak zahar eta bastertutako panpinak konpontzen ditu.
Dena 2014an hasi zen, Soniak bere lana galdu eta gero, proiektu pertsonal bat bilatzea erabaki zuen, beteta sentitzeko. Bere ahizpekin naturan jolastu edo bigarren eskuko panpinekin eta etxean egindako jostailuekin ondo pasatzen zuela gogoratu zuen.
Soniak bigarren eskuko panpinak erosi zituen eta makillaje guztia ezabatu zuen, eta arropa erosoagoa eta funtzionala egin zien, eta itxura errealistagoa eta naturalagoa eman zien.
Ausartzen zarete zuen ahaztutako panpinak eraldatzeko?
Emakumeek gizonek baino diru gutxiago jasotzen dute lan beragatik. Arrazoietako bat soldata-negoziazioetan generoen artean dauden aldeak dira: emakumeel gizonak baino soldata igoera gutxiago eskatzeko joera dute.
Boston College-ko bi emakume ikertzailek egindako esperimentu baten arabera, haurtzaroan neskak mutilak baino gutxiago saiatzen dira sari altuak lortzen.
120 mutil eta 4 eta 9 urte bitarteko eta hainbeste neska gonbidatu zituzten beren laborategira, eta negoziazio ludiko bat birsortu zuten.
Zer gertatu zen? Hurrengo artikuluan kontatzen digute.
Emakume eta gizonen arteko bataz besteko urteko soldata-arrakala 7.213 eurokoa da Euskadin
Emakunde-Emakumearen Euskal Erakundeak argitaratutako azken txostenaren arabera, “Soldata-arrakala Euskal Autonomia Erkidegoan“, Euskal Autonomia Erkidegoko gizonen eta emakumeen arteko soldata-arrakala % 22,6koa da, eta ehuneko hori 1,5 puntu murriztu da 2015etik. Txosten hau egiteko datuak Estatistikako Institutu Nazionalak (INE) 2020an argitaratutako azken Soldata Egiturari buruzko Inkestatik (EAES) lortu dira. Inkesta hori da argitaratutako azken inkesta sexuaren arabera bereizitako soldatekin. Datorren larunbatean, irailak 18, Emakumeen eta Gizonen arteko Soldata Berdintasunaren Nazioarteko Eguna ospatuko da.
Isabella Springmühl txikitatik arduratu zen jantziez, modako aldizkariei begiratuz eta bere trapuzko panpinentzat jantziak sortuz, non orratzekin eta oihal zatiekin jantziak egiten zizkien.
Baina moda diseinatzaile izateko ametsa lortzea ez zitzaion erraza izan, zenbait unibertsitatek baztertu egin baitzuten Down Sindromea izateagatik. Bere familiak ikasten jarraitzera animatu zuen. Josteko akademia batean eman zuen izena, eta bertan ikasi zuen moldeak egiten, ebakitzen eta makina batean josten.
Isabella Springmühl diseinatzaile guatemalarrak modaren konbentzioei aurre egin zien, Downen sindromea zuen lehen jostuna izan baitzen, eta London Fashion Week 2016 bilduman estreinatu zuen. Gainera, bere marka propioa du, "Down to Xjabelle", bere izaera propioaren omenez, bere amonak zuen josteko atelierraren izenarekin batera.
Ezagutzera animatzen zaituztegu.
Abian da Beldur Barik lehiaketaren edizio berri bat 12 eta 26 urte bitarteko gazteei zuzendua.
Beldur Barik lehiaketak gazteen artean indarkeria sexista eta matxista prebenitzeko helburua du. Emakundek gidatzen du Arabako, Bizkaiko eta Gipuzkoako Foru Aldundien zein EUDELen babesa eta laguntzarekin.
Bideoak aurkezteko epea irailaren 10etik azaroaren 5era bitartean zabalik egongo da.
Elkartean Euskadiko Desgaitasun Fisikoa duten Pertsonen Elkarteen Mugimendua biltzen duen Federazio eta Elkarteen Konfederazioa da.
Pertsona guztiak barne hartuko dituen gizarte bat lortzeko dihardu lanean; gizarte irisgarria nahi dugu, justua, ekitatiboa, eta desberdintasunik gabe gure eskubideak gauzatzeko modukoa.
Desgaitasun fisikoa duten Euskadiko emakume eta gizonen aukeraberdintasuna defendatzen du, eskubide osoko herritarrak baitira, gizarte inklusiboaren barruan.
Generoagatiko eta desgaitasunagatiko diskriminazioari heltzeko, kontuan hartu behar da harreman-kategoriak direla: ez da batetik generoagatiko diskriminazioen eta, bestetik, desgaitasunagatiko diskriminazioen batura automatikoa gertatzen; aitzitik, intersekzionalitateak egoera espezifikoak sortzen ditu, eta horien aurrean konponbide zehatzak hartu behar dira.
https://elkartean.org/pdf/berdintasun-gida-emakumea-eta-desgaitasuna.pdf
" Científicas: pasado, presente y futuro” 8 eta 14 urte bitarteko haurrei zuzendutako zientzia antzerkia da, eta 2016tik antzezten ari da, batez ere Sevillan, baina baita Espainiako beste leku batzuetan ere.
Francisco Vegaren ideia originala da. Sevillako Unibertsitateko bost ikertzailek iraganeko bost ikertzaileri bizia ematen diete, ondoren zientzialari gisa duten bizitzaz hitz egiteko eta zientziaren mundu liluragarrian parte hartzera gonbidatzen ditu ikusleak.
Sevillako Unibertsitateko Berdintasun Unitatearen laguntzarekin obraren komiki-bertsio bat egin dute. Proiektu honetarako, Raquel Gu ilustratzailea izan dute bidelagun.
Komiki honekin, emanaldietara joan ezin duten ikastetxe guztietara iritsi nahi dute.
Komikiaren irakurketaren osagarri gisa, gidaliburu bat ere egin dute, ikasgelan egiteko jarduerekin.
Emakunde-Emakumearen euskal erakundeak antolatutako “30 emakume ahaztezin” erakusketa gaurtik aurrera ikusgai egongo da Donostiako Tabakalerako Kutxa Kultur Plazan datorren abuztuaren 29ra arte. Gure herriaren historiako hogeita hamar emakume aipagarrien irudiak jasotzen dituen akuarelak eta informazioa biltzen ditu. Elena Ciordia artistak egindako akuareletan hainbat diziplinatan nabarmendu diren euskal emakumeak agertzen dira: literatura, bertsolaritza, pintura, argazkigintza, kirola, musika, fisika, politika, etab.
Akuarela horiekin batera bisitariak emakume horien bizitzari buruzko informazioa zabalagoa jaso dezake mugikorrean QR kodeen bitartez.
Eraso sexistarik gabeko uda aldarrikatuko dute euskal erakundeek Beldur Barik programaren bidez.
Emakunde-Emakumearen Euskal Erakundeak, Arabako, Bizkaiko eta Gipuzkoako Foru Aldundiekin eta EUDEL-Euskadiko Udalen Elkartearekin lankidetzan, gazteen arteko indarkeria sexista prebenitzeko sustatutako Beldur Barik erakunde arteko programaren barruan, udalen artean “Eraso sexistarik gabeko uda” izeneko materialak zabaldu dira, udan errespetuan, berdintasunean eta autonomian oinarritutako jarduerak bultzatzeko.
Bilboko Arte Ederren Museoak Womanology erakusketa aurkeztu du, José Ramón Prieto bilbotarraren bilduma bikaina ezagutzera emateko. Arte garaikideko bilduma berezia da, azken bi hamarkadetan bildutakoa, eta bere berezitasuna da emakume artisten lanez soilik osatuta egotea da.
Guztira 47 lan dira, eta 37 artistak sortu dituzte; batzuk nazioarteko proiekzio handikoak dira, 1911 (Louise Bourgeois) eta 1977 (Lynette Yiadom-Boakye) artean jaioak. Erakusketak bilduma ia osoa hartzen du (35 artistaren 43 artelan), eta nazioarteko eta bertako arte-eszenako ezinbesteko izenak biltzen ditu, hala nola Marina Abramović, Ana Laura Aláez, Louise Bourgeois, Carmen Calvo, Ángela de la Cruz, Tracey Emin, Jenny Holzer, Donna Huanca, Cristina Iglesias, Barbara Kruger, Elizabeth Peyton, Dora Salazar, Monika Sosnowska, Tatiana Trouvé, Azucena Vieites eta Kara Walker.
21|04|30 • 21|09|05
Womanology. José Ramón Prieto bilduma
BBK Aretoa
Begira Sarearen “Nola komunikatu emakumeen kontrako sexu-indarkeria kasuetan” jardunaldi birtualerako izena emateko epea ireki da.
Ekitaldia 2021/06/30ean, asteazkenean, 10:00etatik 11:00etara izango da eta ZOOM plataformaren bidez egingo da.
Jardunaldira joateko egin inskripzioa esteka honetan:
https://docs.google.com/forms/d/e/1FAIpQLSdj7YsUMakbnqv2gIfbFvvrjUVGzcKb7801pEfqJjQmxLZIoQ/viewform
Emakumeen Osasunerako Nazioarteko Ekintza Eguna 1987an sortu zen.
Urte horretako Maiatzak 28an Emakumeen Sexu eta Ugalketa Eskubideen aldeko Munduko Sarearen asanbladaren barnean hartu zen erabakia.
Topaketa garrantzitsu horretan, gaur egun, munduko emakumezkoei eragiten dieten gaixotasunak aztertu ziren, hala nola, kezkagarri eta errepikakorrenetako bat, amen hilkortasunarekin zerikusia dutenak, zoritxarrez urtero emakume askoren bizitza kobratzen dutenak.
8 eta 14 urte bitarteko haurrentzat pentsatutako ipuin honetan, Coral Herrerak zaintza partekatuaren gaia jorratzen du, eta emakume guztiok atseden hartzeko eta denbora librea izateko dugun eskubidea ere.
Ipuinarekin datorren Gida Didaktikoan, etxean edo ikasgelan, gizonen eta emakumeen arteko berdintasunaren gaia landu, eta amek bidaiatzeko, atseden hartu eta beren buruentzako espazio eta denbora bat izateko duten eskubidea lantzeko, guraso zein irakasleek erabili dezaketen tresnak aurkitzen dira.
Honako gai hauek lantzeko jarduerak proposatzen dira: kontziliazioa, erantzukidetasuna, justizia, laguntasuna, talde-lana, emozioen adierazpena, etxeko lanen banaketa ekitatiboa, adiskidetasuna eta maitasuna, enpatia eta elkartasuna, pribilegioak eta botere-harremanak, eta bikoteko eta familiako gatazken konponbide baketsua.
Esteka honetan ikus dezakezue material guztia:
Txileko Gobernua Emakunderen Gizonduz programan oinarrituko da bere herrialdeko gizonak berdintasunean prestatzeko.
Beatriz Artolazabal Berdintasun, Justizia eta Gizarte politiketako sailburua, Izaskun Landaida Emakundeko zuzendariarekin batera, Monica Zalaquett Txileko Emakumearen eta Genero Ekitatearen ministroarekin bildu da. Txileko Gobernuak eskatutako bilera honen helburua izan da Emakunderi eta Eusko Jaurlaritzari eskerrak ematea Emakunderen Gizonduz programan oinarritzeko aukera emateagatik Txileko gizonak berdintasunean prestatzeko. Ministroak azaldu duenez, Txileko gobernuaren nahia da Euskadin maskulinitateei eta berdintasunerako prestakuntzari buruz egindako lanean sakontzea, eta, horregatik, maskulinitateei buruzko online ikastaro bat diseinatzen ari dira Gizonduz programaren ikastaroen edukietan oinarrituta.
Datorren maiatzaren 18an, UPV/EHUk eta Eraikiz Kolektiboak antolatutako "Beldurrez hazi: umeak genero-indarkeriaren aurrean" erakusketa aurkeztuko dugu Bizkaia Aretoan.
Erakusketa ibiltari hau Emakumeenganako Tratu txarrak Ikertzeko Batzordearen proiektua da, eta erakundean artatutako umeek egindako marrazki batzuk aurkezten ditu. Adingabeekin esku-hartze psikosoziala egiteko proiektua, urteetan zehar, familia-eremuan genero-indarkeriako egoeran dauden emakumeekin lan egin izanaren ondorioz sortu zen. Emakume horien seme-alabak ere indarkeria horren biktima izan dira. Helburua da marrazki horiek ezagutaraztea, adierazteko indar handia dutelako, eta argi eta garbi erakusten dutelako zer-nolako ondorioak dakartzan biktimen seme-alabentzat indarkeria-testuinguru batean bizitzeak edota norberak pairatzeak.
Aurrez aurre edota on-line jarraitu ahal izango duzue, aldez aurretik izena ematen baduzue esteka honetan:
" Ellas lo pensaron antes. Filósofas excluidas de la memoria", Antzinarotik gaur egunera arte pentsamenduaren eraikuntzan eta gizartearen garapenerako ekarpenak egin dituzten emakume filosofoen hautaketa bat biltzen du. Liburuak gai honen inguruko errepaso bat egin eta baztertuak, jazarriak eta erailak izan ziren hogeita bi emakume ikusarazten ditu.
Egilea: María Luisa Femenías
Argitaletxea: Ediciones Lea
