Enpresa etiketadun mezuak erakusten. Erakutsi mezu guztiak
Enpresa etiketadun mezuak erakusten. Erakutsi mezu guztiak
2025(e)ko abuztuaren 8(a), ostirala
2025(e)ko otsailaren 25(a), asteartea
Ekonomia, enpresa eta genero IX jardunaldiak
«Ekonomia birpentsatzen: zaintzak ardatz»
Eguna: 2025ko martxoaren 17a
Ordua: 11:20
Lekua: Ekonomia eta Enpresa Fakultatea, Areto Nagusia (Sarriko)
Online (saio irekia): Ekonomia, enpresa eta genero IX jardunaldiak
Azalpena:
Jardunaldi hauen bidez enpresa, ekonomia eta zuzenbide arloetan genero ikuspegia barneratzea bultzatu nahi da, bere garrantziaren eta egokitasunaren kontzientzia sustatuz, eta arlo honetan praktika onen eredu eta adibideak aurkeztuz. Aldi berean, unibertsitatean gai honen inguruko hausnarketa ere bultzatu nahi da, bereziki ekonomiaren eta enpresaren eta honen kudeaketaren inguruko irakaskuntza eta ikerketari dagokionez.
Aurtengo edizioak zaintzak izango ditu ardatz, hain zuzen ere sistema ekonomikoari eta enpresen antolakuntzari genero ikuspegitik eragiten dien gai nagusietako bat. Zaintzak, bizitza mantentzeko oinarria, ikusezin egon izan dira eta oraindik ere askotan badaude, eta, aldi berean, haien erantzukizuna nagusiki emakumeena izan da. Egoera horrek lotura zuzena du sexuaren araberako lan-banaketarekin eta produkzio-lanaren eta ugalketa-lanaren arteko bereizketarekin, azken honek balorazio eta aintzatespen txikiagoa duelarik. Jardunaldian, egoera horrek eragindako problematikan sakonduko da, batez ere egungo testuinguruan, eta eraldaketa sozial eta ekonomiko beharrezko baterako ardatzak planteatuko dira, bai ikuspegi sozio-ekonomikotik, bai ikuspegi juridikotik. Halaber, Maitelan zaintza kooperatibaren esperientzia bertatik bertara ezagutzeko aukera izango da.
Egitaraua:
• Jardunaldiaren aurkezpena eta inaugurazioa.
• Amaia Pérez de Orozco. Ekonomian doktorea. Colectiva XXK-ko kidea. Ekonomia feministan aditua.
• Samara de las Heras Aguilera. Zuzenbidean doktorea, Fem Ius-eko aholkulari juridikoa. Emakumeen eskubideen eta berdintasun politiken arloan aditua.
• Maitelan S.Koop.
• Eztabaida irekia.
Jardunaldia ikasleei, irakasleei, profesionalei eta, orokorrean, gaian interesa duten pertsona guztiei zuzenduta dago.
Harremanetarako:
Enpresaren Zuzenbidea eta Zuzenbide Zibila Saila.
irati.basoredo@ehu.eus / itziar.villafanez@ehu.eus
2022(e)ko urriaren 10(a), astelehena
Kudeaketa Aurreratuaren Europar Astea
JARDUNALDIA: BERDINTASUNA KUDEAKETA AURRERATUAN: TRESNAK ETA ESPERIENTZIAK VI
Bilbon, On Diego López Haroko Kale Nagusia, 85. Areto Nagusia
Urriaren 26an
2022(e)ko martxoaren 15(a), asteartea
Kontratazio publikoa eta berdintasuna
Emakunde-Emakumearen Euskal Erakundeak kontratazio publiko sozialki arduratsuari buruzko webinar batean parte hartu du, #WebysocialEU proiektuaren barruan antolatua. Proiektu hori Europako Batzordearen Enpresa Txiki eta Ertainetarako Agentzia Exekutiboak (EASME) eta Barne Merkatuko, Industriako, Ekintzailetzako eta ETEetako Zuzendaritza Nagusiak (DG GROW) enkargatutako ekimena da, kontratazio publikoan gizarte-klausulen erabilera sustatzeko.
Genero Berdintasunerako Europako Institutuak (EIGE) egindako azterlan baten arabera, Emakundek eta Eusko Jaurlaritzak egindako lana Europako jardunbide onenetako bat izan da kontratazio publikoan genero-ikuspegia txertatzeari dagokionez. Foro horretan, Emakundek eta Eusko Jaurlaritzak 1999. urteaz geroztik gaiari modu integral eta jasangarrian heltzeko egiten duten lana aditzera eman da. Besteak beste, honako jarduera hauek egin dira: araudiak, planak, jarraibideak, jarraibideak eta materialak, erakundeen arteko koordinazioa, sentsibilizazio- eta prestakuntza-jarduerak eta egindako lanaren jarraipena eta ebaluazioa.
Kontratazio publikoko berdintasunari buruzko Emakunderen webgunea
2021(e)ko abenduaren 17(a), ostirala
Generation Equality
Berdintasuna sustatzeko esperientziak aurkeztu dituzte Emakunderen Generation Equality ekimenean murgilduta dauden entitateek
Nazio Batuak Emakumeak erakundeak Beijingo Emakumeen IV. Mundu Konferentziaren 25. urteurrena ospatzeko diseinatutako eta Euskadin Emakundek bultzatzen duen Generation Equality ekimenak dagoeneko ehun euskal erakunde ingururen parte hartzea lortu du, era askotarikoak: Udalak, ikastetxeak, enpresak, elkarteak, sindikatuak, unibertsitateak... Gaur arratsaldean, Beatriz Artolazabal Berdintasun, Justizia eta Gizarte Politiketako sailburuak, Izaskun Landaida Emakundeko zuzendariarekin batera, lan-saio bat ireki du. Bertan, ekimenari atxikitako erakundeek parte hartu dute, eta horietako hiruk (Lauaxeta ikastola, Gizardatz eta Itelazpi) barne-hausnarketako esperientzia partekatu dute, baita datozen urteetarako berdintasunarekiko erronkak eta konpromisoak hautemateko esperientzia ere.
2021(e)ko irailaren 17(a), ostirala
Emakumeen eta Gizonen arteko Soldata Berdintasunaren Nazioarteko Eguna
Emakume eta gizonen arteko bataz besteko urteko soldata-arrakala 7.213 eurokoa da Euskadin
Emakunde-Emakumearen Euskal Erakundeak argitaratutako azken txostenaren arabera, “Soldata-arrakala Euskal Autonomia Erkidegoan“, Euskal Autonomia Erkidegoko gizonen eta emakumeen arteko soldata-arrakala % 22,6koa da, eta ehuneko hori 1,5 puntu murriztu da 2015etik. Txosten hau egiteko datuak Estatistikako Institutu Nazionalak (INE) 2020an argitaratutako azken Soldata Egiturari buruzko Inkestatik (EAES) lortu dira. Inkesta hori da argitaratutako azken inkesta sexuaren arabera bereizitako soldatekin. Datorren larunbatean, irailak 18, Emakumeen eta Gizonen arteko Soldata Berdintasunaren Nazioarteko Eguna ospatuko da.
2021(e)ko abuztuaren 24(a), asteartea
2021(e)ko martxoaren 10(a), asteazkena
2019(e)ko azaroaren 28(a), osteguna
Emakumea eta enplegua
Gaur goizean, Bilboko Euskalduna Jauregian, Osalanek, Lan eta Justizia Sailak eta Emakundek antolatutako “Lan-osasuna genero-ikuspegiarekin eta soldata-arrakala” jardunaldia egin da, Emakundek bultzatzen duen Berdintasunerako Foroaren barruan.
Lan eta Gizarte Segurantzako sailburuorde Jon Azkuek, Osalaneko zuzendari nagusi Alberto Alonsok eta Emakundeko zuzendari Izaskun Landaidak inauguratu duten jardunaldian hainbat gai jorratu dira, hala nola lanpostuen balorazioa genero ikuspegiarekin, enpresetako sexu-jazarpenaren eta sexuan oinarritutako jazarpenaren aurkako protokoloak, eta 2019an genero-ikuspegia duten Lan Ikuskaritzako Jarduerak eta arriskuen prebentzioan genero-ikuspegia txertatzeko jarraibideak ezartzeko proiektu pilotuaren emaitzak.
Harpidetu honetara:
Mezuak (Atom)