Plazandreak

Bilboko Udala Plazandreak txapelketarekin arituko da lankidetzan; izan ere, saioa Esperantza frontoira itzuliko da edizio berri batekin. Itxaso Erroteta Bilboko Udaleko Gazteria eta Kiroleko zinegotziak parte hartu du ekainaren 23tik uztailaren 21era Bilbo emakumezkoen pilotarik onenaren hiriburu bihurtuko duen txapelketaren aurkezpenean.

+Info

Skate

DOAKO ikastaroa, skatearen hastapenei buruzkoa, 8 eta 12 urte bitarteko haurrentzat eta FLINTA taldearentzat. Ikastaro horretan, skatearen irakaskuntza ez ezik, trebetasun sozialak eta sortzaileak garatzera eta komunitate-espiritua indartzera bideratutako dinamikak ere sartuko dira.

Plazandreak

Udalak Plazandreak txapelketarekin arituko da lankidetzan, eta pilotaririk onenekin itzuliko da Esperantza frontoira, Uztailaren 1etik abuztuaren 5era arte.

Taldekako lehiaketa da eta pilotariek binaka jokatu beharko dute, lau eta erdiaren barruan; garaipen bakoitzeko puntu bat batuko dute.

Maila goreneko 12 pilotarik hartuko dute parte, lau taldetan banatuta: Arrizabalaga-Capellán eta Ibarrola, Aldai-Mendizabal eta Larrarte, Zabaleta-Gaminde eta Etxegarai eta Garai-Galeano eta Arrillaga.

+Info

Norbera izateko kirola

 

30 emakume ahaztezin

Emakunde-Emakumearen euskal erakundeak antolatutako  “30 emakume ahaztezin” erakusketa gaurtik aurrera ikusgai egongo da Donostiako Tabakalerako Kutxa Kultur Plazan datorren abuztuaren 29ra arte. Gure herriaren historiako hogeita hamar emakume aipagarrien irudiak jasotzen dituen akuarelak eta informazioa biltzen ditu. Elena Ciordia artistak egindako akuareletan hainbat diziplinatan nabarmendu diren euskal emakumeak agertzen dira: literatura, bertsolaritza, pintura, argazkigintza, kirola, musika, fisika, politika, etab. 

Akuarela horiekin batera bisitariak emakume horien bizitzari buruzko informazioa zabalagoa jaso dezake mugikorrean QR kodeen bitartez.

+Info

Ikastaroak eta tailerrak

Bilboko Udalak 372 ikastaro antolatu ditu 2021-2022 ikasturterako. Tailerrak 4 alorretakoak dira: kultura, berdintasuna, aisia eta kirola, eta adineko pertsonen osasuna. Helburua bilbotarren aisialdia dinamizatzea da, aisia-aukera osasuntsuak eskainiz eta gauza berriak ikasteko aukera emanez.

Tailerretan izena emateko epea hasiko da, ekainak 22, asteartea, eta irailaren 1ean bukatuko da. Izen-ematea webaren bidez egin beharko da, https://www.bilbao.eus/

Berdintasunari lotutako 25 ikastaro eskainiko ditu Udalak. Eskolak emakumeen formazioa, parte-hartze soziala eta ahalduntzea hobetzeko diseinatu dira, Bilboko emakume eta gizonen aukera berdintasunaren bidean beste urrats bat eginez aurrera.

Modalitateak honako hauek dira: internet eta sare sozialak; informatikaren hastapenak; nork bere barnea ezagutzea; emakume artistak, ikuspegi feministatik; mundu zabaleko emakume idazleak, ikuspegi feministatik, eta autodefentsa feminista. Azken ikastaro horretan, eremu digitaleko indarkeria matxista jorratuko da.

Betiko moduan, ikastaro eta tailer hauek Bilboko 8 barrutietako udaltegietan egingo dira. Parte hartzeko, urian erroldatuta egon beharra dago, eta adin nagusikoa izan. Pertsona bakoitzak, gehienez ere, bi udaltegitan eta bi tailerretarako eman dezake aldez aurretik izena, kulturaren, aisialdi eta kirolaren, eta berdintasunaren arlokoak badira; osasun arloko ikastaroetan, berriz, tailer baterako.

+Info

Nor da bera?

Martxoaren 8a dela eta, aurten emakuumeek kirolean duten ikusgarritasunaren inguruan hausnartu dugu. Horretarako, 12 euskal emakume ezagutu ditugu hainbat kirolekin lotuak: taekwondoa, tenisa, borroka librea, gimnasia erritmikoa, futbola, ultrafondoko txirrindularitza, esku pilota, harri-jasotzea, piraguismoa, erraketista, triatloia eta alpinismoa. 

Emakumeek kirolean duten rolaren eta komunikabideek ematen dieten ikusgarritasun eskasaren inguruan hausnartu dute taldeek. 

Parekidetasuna lortzeko heziketa. 

Honako esteka hauetan deskargatu dezakezue zuen jokoa eraikitzeko materiala:  

Kartak

Taularen irudiak

Raketistak

Frontoian jokatzen zuten emakume hauek mundu mailako lehen kirolari profesionalak izan zirela uste da. Aurretik emakumeak pilotan jartzeko saiakerak egon ziren arren, 1917an Ildefonso Anabitarte enpresari donostiarrak neska gazteak eraman zituen Madrila eta han jokoan jarri zituen. Egurrezko raketa sendoekin eta teniseko pilotarekin hasi baziren ere, berehala hartu zuten larruzko pilota. Frontoi txikietan abiadura ikaragarrian jokatzen zuten batere babesik gabe ; espektakulua ziurra zen.

Arrakasta lagun, frontoiak hedatuz joan ziren Espainiar Estatuan nahiz Ameriketan. Zabalkuntza honek pilotariak eskatzen zituen, eta horrela sortu ziren raketa eskolak.

Etxetik 15 urte ingururekin  joan eta pilotan trebatutakoan dirua etxera bidaltzeko modua egiten zuten gehienek. Emakume aitzindari hauek Euskal Herrian gaizki ikusiak  izan ziren, oro har, garaiko emakume moldearekin bat egiten ez zutelako; kanpoan ordea, arrakasta dastatu zuten askok.

Horregatik, “Raketistak lehen eta orain kultur kirol elkarte”-tik isiltasunean iraun duen pilotari hauen istorioa agerian jarri nahi dugu.

http://www.raketistak.com/index.php/eus/

Vostok 6

¿Inoiz galdetu ahal diozu zeure buruari emakume arrakastatsuek ze traba gainditu izan behar zituzten berain lorpenak jasotzeko? ¿Oraindik ere gazteentzako emakumezkoak diren erreferenteak  falta direla sumatzen ahal duzu? 

Vostok 6, emakumezko erreferenteen podcast bat da. Marta Coralen elkarrizketa entzutera gonbidatzen zaituztegu. Emakume honek Espainiako Kung-fu 6 txapelketa irabazi ditu eta 2014. urtean, Europako txapelduna izan zen. Espainiako Kuoshu elkarteak  Espainiako kirolaririk honena izendatu zuten 2013 eta 2014 urteetan. Marta Coralek bere bizitza pribatua besteak defendatzen jarduten du. Barne ministerioko bizkartzain modura lan eginez. Gerriko beltzez, genero rolak apurtu eta Espainiako Arte Martzialaren historian bere tokia lortu du.   

https://www.podiumpodcast.com/vostok-6/temporada-2/