2025(e)ko abuztuaren 8(a), ostirala
2025(e)ko abuztuaren 4(a), astelehena
Estereotipoak
Emakundeko Zuzendaritza Kontseiluak egiaztatu du genero-estereotipoek emakumeen eta gizonen bizi-ibilbideak baldintzatzen jarraitzen dutela.
Txostenak egiaztatzen du genero-estereotipoek eta bokazioen segregazioak baldintzatu egiten dituztela emakumeen eta gizonen hezkuntza- eta lan-ibilbideak, eta faktore hori dela bizitzako eremu guztietan arrakalen iraunkortasunean eragina duen faktoreetako bat.
2025(e)ko uztailaren 23(a), asteazkena
Mary Elizabeth Walton
Mary Elizabeth Walton estatubatuar asmatzaile eta ingeniaria izan zen, ingurumenaren, poluzio atmosferikoaren eta kutsadura akustikoaren aldeko borrokan aitzindaria, eta hiri handietako kutsadura arintzeko hainbat sistema asmatu zituen.
Waltonek trenak eragindako soinu-kutsadura murrizten zuen asmakizun bat patentatu zuen. Errailak alkitran eta kotoiz pintatutako egurrezko bilgarri batez estali zituen, hareaz betetzen zena, zarata eta bibrazioak xurgatzea errazten zuena.
2025(e)ko uztailaren 14(a), astelehena
Beldur Barik Jaiak
Emakundek, EUDELek eta Arabako, Bizkaiko eta Gipuzkoako Foru Aldundiek Beldur Barik Jaiak kanpaina bultzatu dute, jai-guneetan dauden gazteei zuzenduta dago. Kanpaina horren helburua da gazteei baliabide praktikoak ematea indarkeria matxista identifikatzeko eta horri aurre egiteko, eta errespetuzko eta segurtasuneko giroa sustatzea jaietan eta jarduera sozial guztietan.
2025(e)ko uztailaren 8(a), asteartea
Hizkuntza inklusibo
Hizkuntza inklusiboaren erabilerak jokabidean nola eragiten duen aztertzen du Emakunderen beka jaso duen ikerketa batek.
Azterlanaren arabera, hizkuntza inklusiboa erabiltzea lehendik dauden genero-ezberdintasunak ez areagotzeko garrantzitsua da.
Ikerketak hizkuntzaren ekonomia, anbiguotasun faltsua edo genero gramatikalaren eta sozialaren arteko nahasmena bezalako kontrako argudioak baliogabe uzten ditu.
2025(e)ko ekainaren 30(a), astelehena
Obstetrizia
Irudia: Ji-Elle CC BY-SA 4.0
XVIII. mendean, erditzea prozesu oso arriskutsua zen. Ezagutza medikoaren faltak eta ondo prestatutako emaginik ez egoteak ama eta haurtxo askoren heriotza eragiten zuten. Baina emakume batek errealitate hori aldatzea erabaki zuen: Angélique Marguerite Le Boursier du Coudray, Frantzian obstetrizia-irakaskuntzaren aitzindaria.
2025(e)ko ekainaren 23(a), astelehena
Plazandreak
Bilboko Udala Plazandreak txapelketarekin arituko da lankidetzan; izan ere, saioa Esperantza frontoira itzuliko da edizio berri batekin. Itxaso Erroteta Bilboko Udaleko Gazteria eta Kiroleko zinegotziak parte hartu du ekainaren 23tik uztailaren 21era Bilbo emakumezkoen pilotarik onenaren hiriburu bihurtuko duen txapelketaren aurkezpenean.
2025(e)ko ekainaren 17(a), asteartea
Skate
DOAKO ikastaroa, skatearen hastapenei buruzkoa, 8 eta 12 urte bitarteko haurrentzat eta FLINTA taldearentzat. Ikastaro horretan, skatearen irakaskuntza ez ezik, trebetasun sozialak eta sortzaileak garatzera eta komunitate-espiritua indartzera bideratutako dinamikak ere sartuko dira.
2025(e)ko ekainaren 9(a), astelehena
Broders
"Broders" mutilek eta gizon gazteek hitz egiteko, beren kezkak partekatzeko, komunitatea eraikitzeko eta laguntza eskatzeko espazio edo gune bat da.
"Fundación Iniciativa Social" (FIS) eta "Laintersección" fundazioak bultzatzen dute.
"Fundación Iniciativa Social" fundazioa, maskulinitatearen, berdintasunaren eta gizarte-partaidetzaren gaietan lan egiten du, eta esperientzia zabala du gazteekin eta helduekin berdintasunezko maskulinitateari buruzko esku-hartze proiektuak koordinatzen.
“Laintersección” fundazioa berriz, komunikatzaile, prestatzaile, ikertzaile eta bideratzaileen kolektibo bat da, feminismoa, migratzaileen eta LGTBQ+ eskubideen eta klima-aktibismoaren inguruko kanpaina eta proiektu kolektiboak sustatzen dituena.
2025(e)ko ekainaren 3(a), asteartea
Lanparako andrea
Florence Nightingale (Florentzia, 1820ko maiatzaren 12a – Londres, 1910eko abuztuaren 13a) erizain, idazle eta estatistikari britainiarra izan zen, erizaintza profesional garaikidearen aitzindaritzat hartua eta erizaintzaren lehen ereduzko kontzeptuaren sortzailea. Matematiketan nabarmendu zen, eta estatistikako ezagutzak aplikatu zituen epidemiologian eta osasun estatistikan.
Urtero, maiatzaren 12an, bere jaiotzaren urteurrenarekin bat eginez, Erizaintzaren Nazioarteko Eguna ospatzen da.
2025(e)ko maiatzaren 27(a), asteartea
Udako ikastaroa
Emakundek urtero antolatzen du Udako Ikastaroa Fundazioarekin batera ikastaro bat.
Aurten “Belaunaldi berrientzako Internet seguru eta feminista bat pentsatuz: orainaldiko jakintzak eta etorkizuneko erronkentzat” izenburupean gauzatuko da, ekainaren 17 eta 18an izango da, Miramar Jauregian.
2025(e)ko maiatzaren 19(a), astelehena
2025(e)ko maiatzaren 16(a), ostirala
2025(e)ko maiatzaren 2(a), ostirala
Berdintasun Eskola 2025
Emakunderen Berdintasun Eskola online guneak genero-ikuspegia bizitzaren eremu guztietan zeharka txertatzeko sentsibilizazioa, prestakuntza eta gaikuntza sustatzen ditu, Emakumeen eta Gizonen Berdintasunerako Lege berriaren (martxoaren 16ko 1/2023 LD) aginduei eta herritarren eskariari erantzunez. Haren helburu nagusia da gizarte honek benetako berdintasunerantz aurrera egiteko behar duen balio-aldaketa bultzatzea.
Doakotasuna
2025(e)ko apirilaren 14(a), astelehena
2025(e)ko martxoaren 27(a), osteguna
Larrialdietarako 112 SOS Deiak
Aplikazioa doakoa da. Eta soilik botoi bat sakatuta 112 larrialdi-zerbitzuarekin harremanetan jartzeko aukera ematen du.
Sistemak abisuak osorik bidaltzea ahalbidetzen du, geolokalizazio aurreratua du eta estaldura gutxiko eremuetan funtzionatzen du.
Herritarrek segurtasunarekin, osasunarekin, suteekin eta veste gertakari batzuekin erlazionatutako larrialdien berri zuzenean eman ahal izango dute larrialdiko eta segurtasuneko zerbitzuekin modu arinean konektatuko den aplikazio horretatik.
2025(e)ko martxoaren 20(a), osteguna
Tapputi
Tapputi, Tapputi-Belatekallim bezala ere ezaguna ("Belatekallim" jauregi bateko emakume ikuskariaz ari da), historiako lehen kimikatzat hartzen da.
Lurrin-fabrikatzaile bat zen, K. a. 1200. urtearen inguruan Babiloniako Mesopotamian datatutako idazkera kuneiformeko taulatxo batean aipatua. Loreak, olioa eta kalamua erabiltzen zituen cyperus, mirra eta baltsamoarekin batera. Ura edo beste disolbatzaile batzuk gehitzen zituen, gero hainbat aldiz distilatu eta iragazten zituen. Hau ere alanbike baten erreferentzia zaharrena da.
2025(e)ko martxoaren 6(a), osteguna
"Ni feminista naiz"
"Ni feminista naiz" da martxoaren 8ko erakundeen arteko kanpainaren leloa. Goiburua "Feminismoa zurekin bat" esaldiarekin osatzen da, eta feminismoak gizarteari egiten dion ekarpena aldarrikatu eta berdintasunaren arloan lortutako aurrerapenei balioa eman nahi die. Honekin batera, feminismoaren balioek pertsonen eguneroko bizitzan botere eraldatzailea dutela erakutsi nahi du. Ukazio eta desinformazio olatuaren aurrean, Emakundek, hiru aldundiek eta EUDELek beharrezkotzat jotzen dute feminismoari buruzko pedagogia egitea eta berdintasun-politikei balioa ematea. Gainera, Aurten Beiing-eko adierazpenaren 30. urteurrena eta Euskal Berdintasunerako lehen Legearen 20. urteurrena ospatzen dira.
2025(e)ko otsailaren 25(a), asteartea
Ekonomia, enpresa eta genero IX jardunaldiak
«Ekonomia birpentsatzen: zaintzak ardatz»
Eguna: 2025ko martxoaren 17a
Ordua: 11:20
Lekua: Ekonomia eta Enpresa Fakultatea, Areto Nagusia (Sarriko)
Online (saio irekia): Ekonomia, enpresa eta genero IX jardunaldiak
Azalpena:
Jardunaldi hauen bidez enpresa, ekonomia eta zuzenbide arloetan genero ikuspegia barneratzea bultzatu nahi da, bere garrantziaren eta egokitasunaren kontzientzia sustatuz, eta arlo honetan praktika onen eredu eta adibideak aurkeztuz. Aldi berean, unibertsitatean gai honen inguruko hausnarketa ere bultzatu nahi da, bereziki ekonomiaren eta enpresaren eta honen kudeaketaren inguruko irakaskuntza eta ikerketari dagokionez.
Aurtengo edizioak zaintzak izango ditu ardatz, hain zuzen ere sistema ekonomikoari eta enpresen antolakuntzari genero ikuspegitik eragiten dien gai nagusietako bat. Zaintzak, bizitza mantentzeko oinarria, ikusezin egon izan dira eta oraindik ere askotan badaude, eta, aldi berean, haien erantzukizuna nagusiki emakumeena izan da. Egoera horrek lotura zuzena du sexuaren araberako lan-banaketarekin eta produkzio-lanaren eta ugalketa-lanaren arteko bereizketarekin, azken honek balorazio eta aintzatespen txikiagoa duelarik. Jardunaldian, egoera horrek eragindako problematikan sakonduko da, batez ere egungo testuinguruan, eta eraldaketa sozial eta ekonomiko beharrezko baterako ardatzak planteatuko dira, bai ikuspegi sozio-ekonomikotik, bai ikuspegi juridikotik. Halaber, Maitelan zaintza kooperatibaren esperientzia bertatik bertara ezagutzeko aukera izango da.
Egitaraua:
• Jardunaldiaren aurkezpena eta inaugurazioa.
• Amaia Pérez de Orozco. Ekonomian doktorea. Colectiva XXK-ko kidea. Ekonomia feministan aditua.
• Samara de las Heras Aguilera. Zuzenbidean doktorea, Fem Ius-eko aholkulari juridikoa. Emakumeen eskubideen eta berdintasun politiken arloan aditua.
• Maitelan S.Koop.
• Eztabaida irekia.
Jardunaldia ikasleei, irakasleei, profesionalei eta, orokorrean, gaian interesa duten pertsona guztiei zuzenduta dago.
Harremanetarako:
Enpresaren Zuzenbidea eta Zuzenbide Zibila Saila.
irati.basoredo@ehu.eus / itziar.villafanez@ehu.eus
2025(e)ko otsailaren 19(a), asteazkena
2025(e)ko otsailaren 11(a), asteartea
Doako bisita gidatua
Gozatu doako bisita gidatua Bilbon zehar paseatzen ari zaren bitartean eta zure emakumeen historia liluragarria ezagutu.
Haiek gidatuko zaituzte eta isildutako istorioak kontatuko dituzte. Emakume miresgarriak aurkituko dituzu, arrasto ezabaezina utziko dizutenak.
Nola funtzionatzen du?
Ez da ezer deskargatu behar. Zure mugikorra besterik ez duzu behar (hobe entzungailuekin).
Ibilbide gidatu eta autonomoa da. Oso modu errazean erabiltzen da webgune honen bidez. Uneoro esango dizugu nondik jo.
Istorio bakoitza baliabide dibertigarriekin kontatzen da: eszena antzeztuak, bideo animazioak, lokuzioak edo ilustrazioak
Ibilbidea jolas interaktibo gisa diseinatuta dago, eta proba egingo dizugu, argitu beharreko galderekin. Baina ez kezkatu, beti izango duzu ibilbidea osatzeko aukera!
https://bilbao.historiasmujeres.tours/index.php?idioma=eu
2025(e)ko urtarrilaren 21(a), asteartea
Phillis Wheatley
Phillis Wheatley (1753-1784) Estatu Batuetan poesia liburu bat argitaratu zuen lehen idazle afroamerikarra izan zen. Senegalen jaioa, zazpi edo zortzi urterekin saldu zuten esklabo gisa eta Ipar Amerikara eraman zuten. Bostongo Wheatley familiak erosi zuen, irakurtzen irakatsi zion eta geroago poesia idaztera bultzatu zuen bere talentua ikusi zutenean. "Phillis" deritzen zen, horixe zelako ekarri zuen ontziaren izena, eta Wheatley, erosi zuen merkatariaren abizena.
Harpidetu honetara:
Mezuak (Atom)