Jauria

"Nire burua oraindik kolokan jartzen dut ": Álex García aktorearen diskurtso txalotua, feminismoaren aurrean dekonstruitzen jarraitzen dela aitortuz. 

'Antidisturbios' eta 'Jauría' filmetako aktoreak intrintsekoa den matxismoari buruzko hausnarketa egin ondoren, bere portaera inkontziente batzuk aldatzen saiatzen dela aitortu du. 

Alex honetaz konturatu eta publiko egiteko ausardia izan du, eta aktoreak hasi duen bide bera egitera animatzen ditu gainerako gizonak. 

Esteka honetan dituzu artikulu osoa eta elkarrizketaren bideo txiki bat, Cadena Ser "El faro" programan. 

https://cadenaser.com/programa/2020/11/28/el_faro/1606595932_052838.amp.html

Emakumeen eta gizonen berdintasunerako legea

Eusko jaurlaritzak emakumeen eta gizonen berdintasunerako legearen aldaketa onartu du, berdintasunaren aldeko eta indarkeria matxistaren aurkaro herri-ituna ahalbidetuko duena.

Bingen zupiria eusko jaurlaritzako bozeramaile eta kultura eta hizkuntza politikako sailburuak agerraldia egin du gobernu kontseiluaren osteko ohiko prentsaurrekoan, Beatriz Artolazabal berdintasun, justizia eta gizarte politiketako sailburuarekin batera. Beatriz Artolazabal berdintasun, justizia eta gizarte politiketako sailburuak jakitera eman duenez, gobernu kontseiluak emakumeen eta gizonen berdintasunerako legea bigarrenez aldatzeko lege-proiektua onartu du. 

Sailburuak azaldu duenez, legearen aldaketa honen bidez, berdintasunaren aldeko eta indarkeria matxistaren aurkako politikak indartu nahi dira, eta, aldi berean, politika horiek testuinguru arauemaile eta sozial berriaren ondoriozko behar berrietara egokitu. "Proposamenean nazioarteko araudiaren aurrerapenak, gizarte-kontzientzia, gaiari buruzko ikaskuntzak, lanaren ebaluazioak eta etengabeko egokitzapenak eta politika publikoen koordinazioa, talde feministen aldarrikapenak eta biziraun duten emakumeen eskaerak integratzen saiatu gara. Eta legearen alderdirik azpimarragarrienetako bat mantentzen eta indartzen saiatu gara: emakumeen aurkako indarkeria genero-desberdintasunaren adierazpen goren gisa kokatzea, eta berdintasunean aurrera egitea indarkeria desagerrarazteko ", adierazi du.

+Info

Gabonak

 

Jostailu ez-sexistak

 

Jostailuek eta jolasguneek eginkizun nabarmena dute haurren sozializazioan, batez ere bizitzako lehen urteetan, eta oso tresna baliotsuak dira haien garapen kognitibo eta sozialerako. 

Familiek eta hezkuntzako profesionalek hezitzaile gisa duten erantzukizunaz jabetu behar dute, eta jostailuak eta jolasguneak ondo aukeratu behar dituzte. 

Jostailuak dibertigarriak eta seguruak izan behar dute, parte-hartzea eta irudimena sustatu eta haien adinerako egokiak izatea da garrantzitsuena. 

Ez dago jostailu ez jolasik neska edo mutilenak direnik: utzi kamioiekin, panpinekin, baloiekin, eraikuntza-jokoekin, sukaldeekin... jolasten. 

Gaztela-Leongo Juntak gida bat eskaintzen digu egun hauetan familiek aukeraketa on bat egin dezaten.

http://carei.es/wp-content/uploads/GuiadelJuguetenoSexista.pdf 

Genero indarkeria

Indarkeriaren biktima diren emakumeei prozesu judizialei buruzko informazio materialak landu dituzte Emakundek eta Gipuzkoako Genero Indarkeriaren Batzorde Probintzialak. 

Bi dokumentuak gaur bildu den Gipuzkoako Genero Indarkeriaren Batzorde Probintzialean egindako lanaren emaitza dira. Materialetako bat informazio-liburuxka bat da, genero-indarkeriaren biktimek prozesu penalean dituzten eskubide nagusiak jasotzen dituena, eta bestea genero-indarkeriaren biktimentzako prozesu penalari buruzko informazio-gida bat. 

Bi dokumentuen helburua da azaltzea, biktimek eskuragarri duten hizkera eta formatu grafikoan, zein diren prozesu judizialean dituzten eskubide nagusiak eta zein fasetan garatzen den prozedura epaitegi edo auzitegian. Autonomia Erkidegoko bi hizkuntza ofizialetan egin dira – Euskaraz eta gaztelaniaz –, eta maizen erabiltzen diren hizkuntza ez-ofizialetan – Arabieraz, frantsesez, ingelesez, italieraz eta errumanieraz –, bai eta irakurketa errazean ere adimen- edo garapen-desgaitasuna duten pertsonentzat egokitutako formatuetan.

Gida

Informazio-liburuxka

DetectAmor

 

Aplikazio honek maitasunaren eta harremanen kontzeptuari buruz hausnartzen laguntzen du, hamar joko dibertigarriren bidez. 

Hortaz, DetectAmor baliabide ludikoa da neska-mutilek jolasteko, dibertitzeko, “bikote-harreman” eta “maitasuna” hitzaren inguruan dituzten ideak aztertu eta, aldi berean, matxismoaren eta genero-indarkeriaren inguruan dituzten jarrerak  hausnartuz. 

Edozein hezkuntza-eragilek, indarkeria matxistaren prebentzioaren gaia azaldu, informatu eta sakontzeko ere erabil dezake. 

http://www.juntadeandalucia.es/iamindex.php/areas-tematicas-coeducacion/app-detectamor

20 gorputz, 20 artista

Bilboko Berreginen Museoa erakusketen denboraldia abiaraztera doa, “20 gorputz, 20 artista” erakutsiz.

Aldi baterako erakusketa berri honen diskurtsoa giza gorputzaz dugun pertzepzioan oinarritzen da 2020ko urriaren 1etik 2021eko urtarrilaren 29ra izango da ikusgai.

Erakusketak komisario independentea du, Fidel Díez Mesa, Bizkaiko erakundeko teknikariekin lankidetzan.

Euskadin finkatutako 20 artista garaikideren lanak erabili ditu; gaurkotasun handiko artistak dira eta Grezia klasikoko perfekzio fisikoaren ideiarekin konparatiba bat egin nahi izan da.

Jardueren programa zabala ere antolatu da, bisita gidatuak eta hitzaldiak barne.

+Info

Bizirik nahi gara

 

Azaroak 25aren inguruan, “Emakumeen aurkako indarkeria ezabatzeko nazioarteko egunean”, Berdintasun Ministerioak dibulgazio  eta eztabaida mintegi ziklo bat antolatu du. 

Zikloak 2 mintzaldi eta 6 mintegi izango ditu on line, azaroaren 5etik abenduaren 17ra bitarte. Emakumeen aurkako indarkeriarekin zerikusia duten hainbat alderdiri buruz eztabaidatzea proposatzen dute mintegiek, gai hauek jorratuz: feminizidioa, sexu-indarkeria, maskulinotasunak eta indarkeria matxista, intersekzionalitatea eta indarkeria matxistak; sexu-esplotazioa... 

+Info